قالالار مەن وڭىرلەردە اشىلعان اسكەري-پاتريوتتىق كلۋبتاردىڭ ەلىمىزدىڭ بولاشاق قورعاۋشىلارىن تاربيەلەۋ ىسىنە قوسار ۇلەسى زور. بۇل – قازاقستاندا جاستاردى اسكەري-پاتريوتتىق تاربيە بەرۋدىڭ 2030 جىلعا دەيىنگى تۇجىرىمداماسى. «ايبىن» حالىقارالىق جيىنى, شەكارا قىزمەتىنىڭ قامقورلىعىنداعى «جاس شەكاراشى» سياقتى مامانداندىرىلعان سىنىپتار مەن كلۋبتار وسىنىڭ ايقىن ايعاعى. ۇقك شەكارا قىزمەتىنىڭ الماتى وبلىسى بويىنشا دەپارتامەنتىنىڭ قاراساي اۋدانىنداعى شەكارا باسقارماسىندا وتكەن «اشىق ەسىك كۇنىنە» الماتى قالاسىنداعى وسىنداي كلۋبتاردىڭ مۇشەلەرى قاتىستى, دەپ حابارلايدى Egemen.kz.
ءىس-شارانى اتالعان شەكارا باسقارماسى مەن شەكاراشى ارداگەرلەردىڭ «زاستاۆا تارلاندارى» رەسپۋبليكالىق قوعامدىق ۇيىمى بىرلەسىپ ۇيىمداستىردى.
ايقارا اشىلعان قاقپادان ەنگەن وقۋشىلاردى مۇندا شەكارا قىزمەتىنىڭ قولدانىسىنداعى ءتۇرلى تەحنيكالار مەن قارۋ-جاراقتار, بايلانىس قۇرالدارى مەن ازىق-ت ۇلىكتەر قويىلعان كورمەلەر كۇتىپ تۇرعان. ايتا كەتەرلىگى, شەكارا باسقارماسىنىڭ ورتالىق الاڭىندا ساپ تۇزەگەن كادەتتەر وزدەرىنىڭ جاڭا اسكەري فورمالارىمەن دارالاندى. اسىرەسە, جاسىل كۇنقاعارلى قىزدار مەن ۇلدار بىردەن كوزگە ءتۇستى.
سونىمەن قاتار, بۇگىنگى جيىنعا «بوران» ارنايى ماقساتتاعى باسقارماسى, قىزمەتتىك كينولوگيا جانە «تەحنيكانى, قارۋ-جاراقتاردى جوندەۋ», «الماتى» شەكارالىق باقىلاۋ باسقارمالارى دا اتسالىسقان. «بوران» باسقارماسى وزدەرىنىڭ وق وتپەيتىن بروندى ۇرىس ماشينالارىن كوپشىلىكتىڭ نازارىنا ۇسىنسا, «تەحنيكانى جانە قارۋ-جاراقتاردى جوندەۋ» باسقارماسى دا وزدەرى شىعاراتىن جيھازداردى, ينجەنەرلىك سىمدار مەن قۇرىلعىلارمەن ەرەكشەلەنگەن. ال كينولوگتار قىزمەتتىك يتتەردىڭ جۇمىسىن تانىستىرىپ, ولاردى جاتتىقتىرۋ ەرەكشەلىكتەرىن كورسەتتى.
سونداي-اق شاراعا جەتىسۋ وبلىسى بويىنشا دەپارتامەنتىنىڭ باستىعى پولكوۆنيك م.نارباەۆ, الماتى وبلىسى بويىنشا دەپارتامەنتى باستىعىنىڭ ورىنباسارى پولكوۆنيك ە.تۇلكىباەۆ, «زاستاۆا تارلاندارى» رەسپۋبليكالىق قوعامدىق بىرلەستىگىنىڭ توراعاسى زاپاستاعى گەنەرال-مايور م.سابيدولدانوۆ باستاعان اعا بۋىن شەكاراشىلار قاتىسىپ, كورمەلەرمەن تانىستى.
جاس شەكاراشىلاردىڭ جاڭا بەلەسى
لايىقتى باعاسىن بەرۋ كەرەك, كورمەگە قويىلعان زاماناۋي ۇلگىدەگى تەحنيكالار مەن قارۋ-جاراقتار اسىرەسە بالالاردىڭ قىزىعۋشىلىعىن تۋعىزدى. ولار ەل شەبىن كۇزەتۋگە ارنالعان اسكەري كولىكتەر مەن ۇرىس ماشينالارىنا ءمىنىپ كورىپ, قارۋلاردى قولدارىنا ۇستاپ كورگەنشە الىپ-ۇشقانى بايقالدى. قولدارىنا شەكاراشىلاردىڭ ءدۇربىسىن ۇستاپ, ساربازدار اسىناتىن اۆتوماتتان نىسانا كوزدەگەن مەزەتتە وزدەرىن ناعىز اسكەري سەزىنگەن بالالاردىڭ قۋانىشتارىندا شەك بولمادى.
ءىس-شارا سوڭىندا بالالار مەن شەكاراشىلار ەستەلىك سۋرەتكە ءتۇسىپ, وزدەرىنىڭ جىلى لەبىزدەرىمەن ءبولىستى.
تۇلپارمەن ءتۇن قاتقان شەكاراشىلار
بۇل كەزدەسۋ ساپتىق داعدىلارى قالىپتاسىپ ۇلگەرگەن, الماتى وبلىسى بويىنشا دەپارتامەنتى ءجيى وتكىزەتىن ءتۇرلى شارالارعا قاتىسۋدى بىرتىندەپ داستۇرگە اينالدىرىپ كەلە جاتقان «جاس شەكاراشى» اسكەري-پاتريوتتىق كلۋبىنىڭ مۇشەلەرى ءۇشىن تاعىلىمدى كۇن بولدى.
تامارا داۋلەتباەۆا,
ۇقك شەكارا قىزمەتى الماتى وبلىسى بويىنشا دەپارتامەنتىنىڭ ءباسپاسوز قىزمەتى