قازاقستان تەمىرجول سالاسىن جاڭعىرتۋ مەن كەڭەيتۋ جۇمىستارىن جۇيەلى تۇردە جالعاستىرىپ كەلەدى. مەملەكەت باسشىسىنىڭ ترانزيتتىك الەۋەتتى ارتتىرۋ جانە ەلدىڭ كولىك-لوگيستيكالىق ءرولىن كۇشەيتۋ جونىندەگى تاپسىرمالارى اياسىندا سوڭعى جىلدارى ينفراقۇرىلىمدى جاڭارتۋ قارقىنى ايتارلىقتاي كۇشەيدى. 2019-2025 جىلدار ارالىعىندا ءتۇرلى جوندەۋ جۇمىستارى ارقىلى 9 436 كيلومەتر تەمىرجول جەلىسى قامتىلدى. بۇل شارالار قوزعالىس قاۋىپسىزدىگىن ارتتىرۋعا, ماگيسترالداردىڭ وتكىزۋ قابىلەتىن ۇلعايتۋعا جانە كولىك جۇيەسىنىڭ تۇراقتى جۇمىسىن قامتاماسىز ەتۋگە مۇمكىندىك بەردى, دەپ حابارلايدى Egemen.kz.
تەمىرجول جەلىسىن جاڭارتۋ جۇمىستارىنىڭ ەڭ اۋقىمدى بولىگى كۇردەلى جوندەۋ ارقىلى جۇزەگە استى.
وسى باعىتتا 3593 كيلومەتر تەمىرجول جەلىسى تولىق جاڭارتىلدى. كۇردەلى جوندەۋ بارىسىندا رەلستەر, شپالدار جانە جولدىڭ ۇستىڭگى قۇرىلىمىنىڭ باسقا دا ەلەمەنتتەرى اۋىستىرىلىپ, ينفراقۇرىلىم كەشەندى تۇردە قالپىنا كەلتىرىلدى. بۇل تەمىرجولدىڭ تەحنيكالىق جاعدايىن جاقسارتىپ, پويىزداردىڭ قاۋىپسىز ءارى تۇراقتى قوزعالۋىنا جاعداي جاسايدى.
جول ينفراقۇرىلىمىن كۇتىپ ۇستاۋ ءۇشىن 1560 كيلومەتر تەمىرجول جەلىسىندە قۇرامداس بولىكتەر بويىنشا جوندەۋ جۇمىستارى جۇرگىزىلدى.
بۇل فورمات توزعان جەكەلەگەن ەلەمەنتتەردى اۋىستىرۋعا باعىتتالعان. ناتيجەسىندە ينفراقۇرىلىمنىڭ تەحنيكالىق جاي-كۇيى قاجەتتى دەڭگەيدە ساقتالىپ, تەمىرجول جەلىلەرىنىڭ سەنىمدىلىگى ارتادى.
تەمىرجول وتكەلىندە ەلەكتروۆوز بەن جەڭىل اۆتوكولىك سوقتىعىسا جازدادى
تەمىرجول توسەمىنىڭ مەرزىمىنەن بۇرىن توزۋىن بولدىرماۋ ءۇشىن 4 284 كيلومەتر جەلىدە جوسپارلى-الدىن الۋ جوندەۋ جۇمىستارى جۇرگىزىلدى.
مۇنداي جۇمىستار پويىزداردىڭ قوزعالىسىن ۇزدىكسىز ءارى قاۋىپسىز ۇيىمداستىرۋعا مۇمكىندىك بەرەدى جانە ماگيسترالداردىڭ قىزمەت ەتۋ مەرزىمىن ۇزارتادى.
قولدانىستاعى ينفراقۇرىلىمدى جاڭعىرتۋمەن قاتار, ەلدە جاڭا تەمىرجول جەلىلەرىن سالۋ جوبالارى دا جۇزەگە اسىرىلىپ جاتىر. 2019-2025 جىلدارى 911 كيلومەتر جاڭا تەمىرجول جولى سالىندى.
ءىرى جوبالاردىڭ ءبىرى – ۇزىندىعى 836 كيلومەتر بولاتىن دوستىق – مويىنتى ۋچاسكەسى. بۇل باعىت قازاقستان ارقىلى وتەتىن حالىقارالىق كولىك دالىزدەرىنىڭ وتكىزۋ قابىلەتىن ارتتىرۋعا جانە ترانزيتتىك جۇك اعىندارىن كوبەيتۋگە مۇمكىندىك بەرەدى.
سونىمەن بىرگە ۇزىندىعى 75 كيلومەتر بولاتىن الماتى ستانتسياسىنىڭ اينالما تەمىرجول جەلىسى سالىندى. جاڭا جەلى الماتى تەمىرجول تورابىنا تۇسەتىن جۇكتەمەنى ازايتىپ, جۇك تاسىمالىنىڭ تيىمدىلىگىن ارتتىردى. بۇل شەشىم ەلدىڭ وڭتۇستىك وڭىرىندەگى جۇك پويىزدارىنىڭ قوزعالىسىن وڭتايلاندىرۋعا جول اشتى.
تەمىرجول تورابى: سالاداعى كەشەندى جاڭعىرۋ
اتالعان جوبالاردىڭ جۇزەگە اسۋى – قازاقستاننىڭ تەمىرجول جەلىسىن جاڭعىرتۋدىڭ ماڭىزدى كەزەڭى بولىپ وتىر.
ينفراقۇرىلىمدى جاڭارتۋ مەن جاڭا باعىتتاردىڭ سالىنۋى ەلدىڭ ترانزيتتىك مۇمكىندىگىن كەڭەيتىپ, قازاقستاننىڭ ەۋرازياداعى جەتەكشى كولىك-لوگيستيكالىق حابتاردىڭ ءبىرى رەتىندەگى پوزيتسياسىن نىعايتۋعا ىقپال ەتەدى.