ۆەتنامدا تۇسىنىكسىز جاعدايدا جوعالعان 26 جاستاعى وتانداسىمىز اسەم امان-ەسەن تابىلدى. بۇل تۋرالى ونىڭ تۋعان اپكەسى حابارلادى, دەپ جازادى Egemen.kz.
اپكەسى مالىمدەگەندەي, قازىر اسەم پوليتسيا بولىمشەسىندە.
«ول ءتىرى, بىراق جاعدايى الاڭداتارلىق. قازىر تەرگەۋ ءجۇرىپ جاتىر, سوندىقتان بارلىق مالىمەتتى جاريالاي المايمىز. ەڭ باستىسى ول تابىلدى», دەدى اپكەسى.
ەسكە سالساق, اسەم 6 ناۋرىزدا حوشيمين قالاسىندا جوعالىپ كەتكەن بولاتىن. سول كۇنى ول قازاق كونسۋلىمەن كەزدەسۋگە حانويعا ۇشۋى ءتيىس ەدى, الايدا اۋەجايدان 20 شاقىرىم قاشىقتىقتا بايلانىس ۇزىلگەن. تۋىستارىنىڭ ايتۋىنشا, سول كەزدە اسەم قاتتى قورقىپ, ونى بىرەۋ اڭدىپ جۇرگەنىن ايتقان.
كەيىنىرەك ونىڭ 6 ناۋرىز ساعات 15:08-دە تاكسي قوسىمشاسىندا ساپاردان باس تارتقان ارەكەتى انىقتالدى.
ورالدا ءىز-ءتۇزسىز جوعالىپ كەتكەن ءۇش ادام امان-ەسەن تابىلدى
تۋىستارىنىڭ ايتۋىنشا, اسەم جوعالاردان بۇرىن امەريكالىق ايەلمەن بىرگە تۇسكى اس ىشكەن, ال وتباسىمەن سوڭعى سويلەسۋىندە ونىڭ ءسوزى تۇسىنىكسىز اياقتالعان.
كەيىن قازاقستان سىرتقى ىستەر مينيسترلىگى اسەمنىڭ تۋىستارىمەن جانە ونى ىزدەپ جاتقان ۆەتنامنىڭ قۇزىرلى ورگاندارىمەن بايلانىستا ەكەنىن حابارلادى.
اتىراۋدا 15 جاستاعى قىز جوعالىپ كەتتى