ازەربايجان پرەزيدەنتى يلحام اليەۆ قازاقستان پرەزيدەنتى قاسىم-جومارت توقاەۆقا ناحيچەۆان اۋەجايىنا سوققىنى ايىپتاعانى ءۇشىن العىس ءبىلدىردى, دەپ حابارلايدى Egemen.kz.
يلحام اليەۆ بۇل تۋرالى ءوزىنىڭ X-تەگى پاراقشاسىندا جازدى.
«مەن قازاقستان پرەزيدەنتى قاسىم-جومارت توقاەۆقا يران مەملەكەتى تاراپىنان ناحيچەۆان اۋەجايىنا جاسالعان شابۋىلداردى ايىپتاعانى جانە ءبىزدىڭ ەلىمىزگە ازەربايجان مەن قازاقستان اراسىنداعى وداقتاس جانە باۋىرلاس رۋحتا قولداۋ كورسەتكەنى ءۇشىن العىس بىلدىرەمىن», دەلىنگەن مالىمدەمەدە.2026 جىلعى 5 ناۋرىزدا يران اۋماعىنان ۇشىرىلعان دروندار ناحچىۆان اۆتونومدى رەسپۋبليكاسىنىڭ اۋماعىنا كىرگەن. ءبىر درون اۋەجاي تەرمينالىنىڭ عيماراتىنا سوعىلسا, ەكىنشىسى شاكاراباد اۋىلىنداعى مەكتەپتىڭ جانىندا قونعان. كەيىنگى دەرەكتەرگە سايكەس, وقيعادان ءتورت ادام زارداپ شەككەن.
كەيىن يران سىرتقى ىستەر ءمينيسترىنىڭ ورىنباسارى كازەم گاريبابادي ازەربايجانداعى وقيعالارعا پىكىر ءبىلدىرىپ, يسلام رەسپۋبليكاسىنىڭ كورشىلەس ەلدەرگە شابۋىل جاسامايتىنىن ايتقان.