28 اقپاندا باستالعان تاياۋ شىعىستاعى اسكەري قاقتىعىس ايماعىنان 4700-دەن استام قازاقستاندىق ەلگە قايتارىلدى. بۇل تۋرالى سىرتقى ىستەر مينيسترلىگى مالىمدەدى, دەپ حابارلايدى Egemen.kz.
ازاماتتاردى ەۆاكۋاتسيالاۋ رەزيدەنت جانە رەزيدەنت ەمەس اۋە كومپانيالارىنىڭ رەيستەرى ارقىلى, سونداي-اق جەرۇستى جولدارىمەن جۇزەگە اسىرىلىپ جاتىر.
6 ناۋرىزدا قازاقستاننىڭ شەتەلدەگى ديپلوماتيالىق وكىلدىكتەرى يرانداعى Zarkuh كومپانياسىندا جۇمىس ىستەيتىن جەتى قازاقستاندىقتى يران-ارمەنيا شەكاراسىنا جەتكىزۋدى ۇيىمداستىردى.
الدىن الا مالىمەت بويىنشا, كومپانيا تاعى 16 قازاقستاندىقتى ءدال وسى باعىتپەن ەۆاكۋاتسيالاۋدى جوسپارلاپ وتىر.
قازىرگى ۋاقىتقا دەيىن يراننان 66 قازاقستان ازاماتى ەلگە ورالعان.
Zarkuh كومپانياسى مەتالل جانە بەيمەتالل پايدالى قازبالاردى بارلاۋ جانە ءوندىرۋ سالاسىندا عىلىمي زەرتتەۋلەر جۇرگىزەدى. ولاردىڭ قاتارىندا التىن, مىس, قورعاسىن, مىرىش, سيرەك جانە باعالى مەتالدار, سونداي-اق قۇرىلىس تاسى, وتقا ءتوزىمدى ماتەريالدار جانە تسەمەنت وندىرىسىنە ارنالعان شيكىزات بار. كومپانيا يرانداعى تسەمەنت شيكىزاتىن بارلاۋ جانە ءوندىرۋ سالاسىنداعى جەتەكشى ۇيىمداردىڭ ءبىرى سانالادى.
ايتا كەتەيىك, قازاقستاننىڭ وڭىردەگى ديپلوماتيالىق وكىلدىكتەرى جاعدايدى ۇيلەستىرۋدى جالعاستىرىپ, وتانداستارمەن تۇراقتى بايلانىستا.
سىرتقى ىستەر مينيسترلىگى قۇزىرلى ورگاندارمەن بىرلەسىپ قاقتىعىس ايماعىنان قازاقستاندىقتاردى قايتارۋ جۇمىستارىن جالعاستىرىپ جاتىر.
تاياۋ شىعىس ەلدەرىنەن 2 463 وتانداسىمىز ەۆاكۋاتسيالاندى