سولتۇستىك قازاقستان وبلىسىندا ەكى جۇك كولىگىنىڭ قاتىسۋىمەن جول اپاتى بولىپ, ءبىر ادام قازا تاپتى, دەپ حابارلايدى Egemen.kz.
ايماقتىق پوليتسيا دەپارتامەنتىنىڭ مالىمەتىنشە, 32 جاستاعى جۇك كولىگىنىڭ جۇرگىزۋشىسى وقيعا ورنىندا كوز جۇمعان.
«7 ناۋرىز كۇنى استانا – پەتروپاۆل اۆتوجولىندا, استراحانكا مەن چاپاەۆو اۋىلدارىنىڭ اراسىندا, MAN ماركالى ەكى جۇك كولىگى سوقتىعىسقان. سوقتىعىس سالدارىنان جۇك كولىكتەرىنىڭ ءبىرىنىڭ جۇرگىزۋشىسى وقيعا ورنىندا قايتىس بولدى», دەلىنگەن وبلىستىق پوليتسيا دەپارتامەنتىنىڭ حابارلاماسىندا.
قازىرگى ۋاقىتتا پوليتسيا سوتقا دەيىنگى تەرگەۋ جۇرگىزىپ جاتىر.
پوليتسيا دەپارتامەنتى جۇرگىزۋشىلەرگە جول-كولىك وقيعالارىن بولدىرماۋ ءۇشىن جول قوزعالىسى ەرەجەلەرىن قاتاڭ ساقتاۋ, اۋا رايى جاعدايىن ەسكەرۋ جانە كولىكتىڭ تەحنيكالىق جارامدىلىعىن باقىلاۋ قاجەت ەكەنىن ەسكەرتتى.
ايتا كەتەيىك, بۇعان دەيىن اباي وبلىسىندا جول اپاتىنان ءتورت ادام قازا تاپقان ەدى.