قازاقستاننىڭ جۇپتىق سىنداعى ءبىرىنشى راكەتكاسى اننا دانيلينا اقش-تىڭ ينديان-ۋەللس قالاسىندا ءوتىپ جاتقان WTA-1000 ءتۋرنيرىنىڭ ەكىنشى اينالىمىنا شىقتى. وتانداسىمىز بۇل جارىستا سەربيالىق الەكساندرا كرۋنيچپەن بىرگە ونەر كورسەتۋدە, دەپ حابارلايدى Egemen.kz.
دانيلينا مەن كرۋنيچ جۇبى العاشقى كەزدەسۋىندە سلوان ستيۆەنس (اقش) جانە دوننا ۆەكيچ (حورۆاتيا) جۇبىنا قارسى وينادى. 1 ساعات 10 مينۋتقا سوزىلعان ماتچتا قازاقستاندىق-سەربيالىق جۇپ قارسىلاستارىنان باسىم ءتۇستى. كەزدەسۋ ناتيجەسى: 6:3, 6:3.
ءتۋرنيردىڭ ەكىنشى اينالىمىندا اننا دانيلينا مەن الەكساندرا كرۋنيچتى ايتارلىقتاي قيىن ويىن كۇتىپ تۇر. ولار كەلەسى كەزەڭدە ليۋدميلا كيچەنوك (ۋكراينا) جانە دەزيرە كراۆچيك (اقش) جۇبىمەن كەزدەسەدى.
ءتورت بىردەي تەننيسشىمىز الەمدىك رەيتينگتىڭ توپ-10 تىزىمىنە ەندى
ايتا كەتەيىك, اننا دانيلينا قازىرگى تاڭدا ايەلدەر اراسىنداعى جۇپتىق سىندا قازاقستاننىڭ ۇزدىك تەننيسشىسى ء(بىرىنشى راكەتكاسى) مارتەبەسىنە يە.
ەلىمىزدىڭ ۇزدىك تەننيسشىسى Australian Open تۋرنيرىندە قانشا تابىس تاپتى؟