سينوپتيكتەر 2026 جىلعى 7 ناۋرىزدا قازاقستاننىڭ ەكى قالاسىنىڭ تۇرعىندارىن اۋانىڭ لاستانۋىنىڭ جوعارى دەڭگەيى تۋرالى ەسكەرتتى, دەپ حابارلايدى Egemen.kz.
«قازگيدرومەت» بولجامىنشا, 7 ناۋرىز كۇنى اتىراۋ جانە بالقاش قالالارىندا اۋا لاستانادى.
قولايسىز مەتەورولوگيالىق جاعدايلار – اتموسفەرانىڭ جەرگە جاقىن قاباتىندا زياندى (لاستاۋشى) زاتتاردىڭ جينالۋىنا ىقپال ەتەتىن قىسقا مەرزىمدى مەتەورولوگيالىق فاكتورلاردىڭ (جەلسىزدىك, ءالسىز جەل, تۇمان, ينۆەرسيا) جيىنتىعى.
مۇنداي جاعدايدا قالا تۇرعىندارىنا اشىق اۋادا, اسىرەسە اۆتوجولداردىڭ نەمەسە باسقا دا لاستانۋ كوزدەرىنىڭ ماڭىندا ازىراق جۇرگەنى ءجون. ال وكپەنىڭ سوزىلمالى اۋرۋلارى, جۇرەك-قان تامىرلارى سىرقاتتارى مەن اللەرگياسى بار ادامدار سىرتقا شىققاندا وزدەرىمەن بىرگە قاجەتتى ءدارى-دارمەكتەرىن الىپ جۇرۋگە ءتيىس.