جامبىل وبلىسىندا پروكۋرورلار ەڭبەك جانە زەينەتاقى زاڭناماسىنىڭ ساقتالۋىنا جۇرگىزىلگەن تەكسەرۋ بارىسىندا 2 515 ازاماتتىڭ قۇقىقتارىنىڭ بۇزىلعانىن انىقتادى. قاداعالاۋ اكتىلەرىنىڭ ناتيجەسىندە جالپى سوماسى 300 ملن تەڭگە زەينەتاقى جارنالارى تولىق وتەلىپ, قىزمەتكەرلەردىڭ قۇقىقتارى قالپىنا كەلتىرىلدى, دەپ جازادى Egemen.kz.
تاراز قالاسىنىڭ پروكۋراتۋراسى ەڭبەك جانە زەينەتاقى زاڭناماسىنىڭ تالاپتارى ساقتالماعان بىرنەشە دەرەكتى اشكەرەلەگەن.
اتاپ ايتقاندا, 2025 جىلدىڭ تامىزى مەن جەلتوقسانى ارالىعىندا «جاسىل ەل تاراز» جشس-ءنىڭ 650 قىزمەتكەرىنە تيەسىلى 20 ملن تەڭگەدەن استام مىندەتتى زەينەتاقى جارنالارى بىرىڭعاي جيناقتاۋشى زەينەتاقى قورىنا اۋدارىلماعان.
پروكۋرورلاردىڭ قاداعالاۋ اكتىسى ەنگىزىلگەننەن كەيىن زاڭ بۇزۋشىلىق جويىلىپ, قىزمەتكەرلەردىڭ مىندەتتى زەينەتاقى جارنالارى تولىق كولەمدە قورعا اۋدارىلدى. وسىلايشا ولاردىڭ كونستيتۋتسيالىق قۇقىقتارى قورعالدى.
زەينەتاقى قورىنداعى اقشا: بەس جىلعى تاجىريبەدەن نە ۇقتىق؟
مۇنداي زاڭ بۇزۋشىلىقتار تاراز قالاسىنىڭ ءبىلىم بولىمىنە قاراستى مەملەكەتتىك مەكتەپكە دەيىنگى ۇيىمداردا ەڭبەك ەتكەن 1 895 قىزمەتكەرگە قاتىستى دا انىقتالعان. تەكسەرۋ بارىسىندا قىزمەتكەرلەردىڭ 283 ملن تەڭگە كولەمىندەگى زەينەتاقى جارنالارى تولەنبەگەنى بەلگىلى بولدى.
پروكۋرورلىق قاداعالاۋ اكتىسىنىڭ نەگىزىندە جالپى سوماسى 300 ملن تەڭگە زەينەتاقى جارنالارى تولىق وتەلىپ, بارلىق قىزمەتكەرلەردىڭ قۇقىقتارى قالپىنا كەلتىرىلدى.
زاڭ تالاپتارىن بۇزعان كىنالى تۇلعالار اكىمشىلىك جاۋاپكەرشىلىككە تارتىلدى.
1 قاڭتاردان باستاپ زەينەتاقى جارناسى جۇيەسىندە قانداي وزگەرىس بولادى؟