استانادا 2026 جىلعى 15 ناۋرىزدا وتەتىن رەسپۋبليكالىق رەفەرەندۋمعا دايىندىق اياسىندا جاڭا كونستيتۋتسيانى قولداۋعا ارنالعان پاتريوتتىق اكتسيا ءوتتى, دەپ حابارلايدى استانا اكىمدىگىنىڭ رەسمي سايتى «ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسى ءۇشىن!» اتتى جالپىۇلتتىق كواليتسيانىڭ ەلوردالىق فيليالىنا سىلتەمە جاساپ.
وعان قالا جاستارىنىڭ, ۆولونتەرلەردىڭ, قوعامدىق بەلسەندىلەر مەن سپورتشىلاردىڭ 1000-نان استام وكىلى قاتىستى.
اكتسيا اياسىندا قاتىسۋشىلار قازاقستان رەسپۋبليكاسىنىڭ تۋىن جانە جاڭا كونستيتۋتسيانى قولدايتىن تۋىن جەلبىرەتىپ, رامىزدىك «بەلگى قويۋ» بەينەسىندە ورنالاسىپ, الداعى رەفەرەندۋمعا قولداۋ كورسەتتى.
ايتا كەتەيىك, استانادا قازاقستان رەسپۋبليكاسىنىڭ جاڭا كونستيتۋتسياسىنىڭ جوباسى بويىنشا ءتۇسىندىرۋ ءىس-شارالارى ءوتىپ جاتىر.