«ناۋرىز» باعدارلاماسىن قارجىلاندىرۋ ارقىلى قالاي تابىس تابۋعا بولادى؟

ورنالاستىرۋ شارتتارى: باعدارلاماعا سۇرانىس جوعارى ءبىر وبليگاتسيانىڭ نومينالدىق قۇنى – 1000 تەڭگە. جوسپارلانعان كىرىستىلىك مولشەرلەمەسى – شامامەن جىلدىق 17,5%. اينالىم مەرزىمى – 5 جىل. كۋپوندىق تولەمدەر – جىلىنا 2 رەت.

ەگەر ساۋدا ناتيجەسىندە كىرىستىلىك 17,5% دەڭگەيىندە بەكىتىلسە, ينۆەستور ءار 6 اي سايىن سالىنعان سومانىڭ 8,75% مولشەرىندە تابىس الادى. بۇل – تۇراقتى ءارى بولجامدى كىرىس كوزى.

10 ناۋرىزدان باستاپ «ناۋرىز» باعدارلاماسىنا ءوتىنىم قابىلداۋ باستالادى

ماڭىزدى ارتىقشىلىقتاردىڭ ءبىرى – وبليگاتسيالار بويىنشا الىنعان سىياقىعا سالىق سالىنبايدى. بۇل بانك قازاقستان رەسپۋبليكاسىنىڭ قارجى اگەنتتىكتەرى تىزبەسىنە ەنگىزىلگەنىنە جانە باعالى قاعازداردىڭ KASE رەسمي تىزىمىنە كىرۋىنە بايلانىستى.

بانك باسقارما ءتورايىمى ءلاززات يبراگيموۆانىڭ ايتۋىنشا, «ناۋرىز» باعدارلاماسى مەملەكەت باسشىسىنىڭ تاپسىرماسىمەن ىسكە قوسىلعان جانە ءۇشىنشى جىل قاتارىنان تابىستى جۇزەگە اسىرىلىپ كەلەدى.

«وسى ۋاقىتقا دەيىن 15 000 تۇرعىن قونىس تويىن تويلادى. ولارعا قولجەتىمدى نەسيە بەرۋ ءۇشىن 500 ملرد تەڭگە تارتتىق. بيىلدان باستاپ ازاماتتار باعدارلاماعا قاتىسىپ قانا قويماي, ونىڭ ينۆەستورى دا بولا الادى», دەدى ءلاززات يبراگيموۆا.

ەندى وبليگاتسيالاردى زاڭدى تۇلعالارمەن قاتار جەكە تۇلعالار دا ساتىپ الا الادى.

جەڭىلدەتىلگەن يپوتەكالارعا ءوتىنىم قابىلداۋ قاشان باستالادى؟

وبليگاتسيالاردى قالاي ساتىپ الۋعا بولادى؟

جەكە تۇلعالار وبليگاتسيالاردى بروكەرلىك كومپانيالار مەن ولاردىڭ ءموبيلدى قوسىمشالارى ارقىلى ساتىپ الادى. اتاپ ايتقاندا, Alatau City Invest, BCC Invest جانە Halyk Finance.

ساتىپ الۋ ءتارتىبى:

قوسىمشانى جۇكتەپ, بروكەرلىك شوت اشۋ.

شوتتى قاراجاتپەن تولىقتىرۋ.

«وتباسى بانك» وبليگاتسيالارىن تاڭداپ, پارامەترلەرىمەن تانىسۋ.

ساتىپ الۋعا ءوتىنىم بەرۋ.

ادەتتە وتىنىمدەر 12 ناۋرىزعا دەيىن الدىن الا قابىلدانادى. ناقتى مەرزىمدى بروكەردەن ناقتىلاعان ءجون.

زاڭدى تۇلعالار دا ءوز بروكەرلەرى ارقىلى قاتىسا الادى.

«وتباسى بانك» يپوتەكانى زەينەتاقى قاراجاتىمەن وتەۋگە ءوتىنىم قابىلداۋدى قايتا باستادى