ەل تۇرعىندارى ەندى اۆتوكولىكتى تىركەۋ, تەحنيكالىق پاسپورت پەن مەملەكەتتىك ءنومىردى اۋىستىرۋ, سونداي-اق ساتىپ الۋ-ساتۋ شارتىن راسىمدەۋ قىزمەتتەرىن تولىقتاي ونلاين الا الادى. جاڭارتىلعان سەرۆيستەر eGov.kz پورتالى مەن eGov Mobile قوسىمشاسىندا قولجەتىمدى, دەپ جازادى Egemen.kz.
ەلىمىزدە وندىرىلگەن اۆتوكولىكتەردى باستاپقى تىركەۋ ەندى قاشىقتان جۇرگىزىلەدى. قىزمەت رەسپۋبليكا بويىنشا 100-دەن استام ءىرى ديلەرلىك ورتالىقتا قولجەتىمدى. ولاردىڭ قاتارىندا «Aster Auto» جشس, «Terra Motors Astana» جشس, «Allur Motor Qazaqstan» جشس, «Hyundai Auto Almaty» جشس, «Mycar Astana» جشس جانە باسقا دا اۆتوسالوندار بار. ينتەگراتسيالىق جۇيەگە قوسىلعان ديلەرلەر سانى كەزەڭ-كەزەڭىمەن ارتىپ كەلەدى.
ۇدەرىس قاراپايىم – ساتىپ الۋشى اۆتوسالوندا كولىكتى تاڭداپ, ساتىپ الۋ-ساتۋ شارتىن جاسايدى. ودان كەيىنگى تىركەۋ ءراسىمى ونلاين وتەدى, اۆتوسالونعا قايتا بارۋدىڭ قاجەتى جوق.
ديلەر ءوتىنىم جىبەرگەن سوڭ, ساتىپ الۋشىنىڭ eGov.kz پورتالىنداعى جەكە كابينەتىنە نەمەسە eGov Mobile قوسىمشاسىنا حابارلاما تۇسەدى. پايدالانۋشى دەرەكتەردى تەكسەرىپ, مەملەكەتتىك تىركەۋ نومىرلىك بەلگىسىن تاڭدايدى جانە ءوتىنىمدى قولجەتىمدى تاسىلدەردىڭ بىرىمەن راستايدى.
ەندى كولىك نومىرىنە ءموبيلدى قوسىمشا ارقىلى تاپسىرىس بەرۋگە بولادى
قىزمەت كورسەتۋ مەرزىمى – 2 ساعاتقا دەيىن. دايىن قۇجاتتار مەن مەملەكەتتىك نومىرلەر تاڭدالعان مامانداندىرىلعان حقكو-دان بەرىلەدى.
2026 جىلدىڭ باسىنان باستاپ مەملەكەتتىك تىركەۋ ءنومىرىن ونلاين تاڭداۋ قىزمەتى ىسكە قوسىلىپ, اۆتوكولىك يەلەرى اراسىندا جوعارى سۇرانىسقا يە بولدى.
ەندى مەنشىك يەسى وزگەرمەگەن جاعدايدا تەحنيكالىق پاسپورت پەن مەملەكەتتىك ءنومىردى اۋىستىرۋ دا ونلاين جۇزەگە اسادى. جۇيە ءوتىنىم بەرىلگەن ساتتە كولىك قۇرالىنىڭ ايىپپۇلدارى مەن وزگە دە شەكتەۋلەرىن اۆتوماتتى تۇردە تەكسەرەدى. قىزمەت كورسەتۋ ۋاقىتى – 1 ساعات.
ەگەر كولىك كەپىلدە تۇرسا نەمەسە وزگە دە شەكتەۋلەر انىقتالسا, راسىمدەۋ مامانداندىرىلعان حقكو-عا جۇگىنۋ ارقىلى جۇرگىزىلەدى.
اۆتوكولىك ءنومىرىن پوليتسەي الىپ كەتسە نە ىستەۋ كەرەك؟
ازاماتتار اراسىنداعى ساتىپ الۋ-ساتۋeGov.kz جانە eGov Mobile پلاتفورمالارىندا جەكە تۇلعالار اراسىندا اۆتوكولىكتى ساتىپ الۋ-ساتۋ شارتىن ەلەكتروندىق فورماتتا راسىمدەۋ مۇمكىندىگى ەنگىزىلدى.
بۇعان دەيىن بۇل قىزمەت جەكەلەگەن بانكتەردىڭ سەرۆيستەرى ارقىلى عانا قولجەتىمدى ەدى. ەندى سەرۆيس مەملەكەتتىك دەڭگەيدە بىرىكتىرىلىپ, مامىلەنى رەسىمدەۋدىڭ بىرىڭعاي تسيفرلىق تەتىگى قالىپتاستى.
جاساندى ينتەللەكت جانە تسيفرلىق دامۋ ءبىرىنشى ۆيتسە-ءمينيسترى روستيسلاۆ كونياشكيننىڭ ايتۋىنشا بۇعان دەيىن ىشكى ىستەر مينيسترلىگىنىڭ قولداۋىمەن ءىرى بانكتەردىڭ ءموبيلدى قوسىمشالارىندا اۆتوكولىكتى ونلاين راسىمدەۋ قىزمەتى ىسكە قوسىلعان بولاتىن. ەندى تسيفرلىق سەرۆيستەر تىركەۋ ۇدەرىسىنىڭ تولىق تسيكلىن قامتيدى – اۆتوسالوننان جاڭا كولىك ساتىپ الۋدان باستاپ, ازاماتتار اراسىنداعى مامىلەلەرگە دەيىن. بۇل ءساۋىر ايىنان باستاپ مامانداندىرىلعان حقكو-لارعا بارۋ سانىن ەداۋىر قىسقارتۋعا مۇمكىندىك بەرەدى.
ونلاين سەرۆيستەردى دامىتۋ راسىمدەردى جەڭىلدەتۋگە, وفلاين وتىنىشتەر سانىن ازايتۋعا جانە تىركەۋ ارەكەتتەرىنىڭ اشىقتىعىن ارتتىرۋعا باعىتتالعان.
جاڭارتۋ ىشكى ىستەر مينيسترلىگى, جاساندى ينتەللەكت جانە تسيفرلىق دامۋ مينيسترلىگى مەملەكەتتىك قىزمەتتەر كوميتەتى جانە «ۇلتتىق اقپاراتتىق تەحنولوگيالار» اق-نىڭ بىرلەسكەن جۇمىسى اياسىندا جۇزەگە استى.
كولىك كوبەيگەن سايىن قاۋىپ كۇشەيىپ بارادى