الەمدە العاش رەت ەكى جاعىندا دا ەكرانى بار تەلەديدار جاسالدى. GP TV دەپ اتالاتىن جاڭا قۇرىلعىنى TPV Technology Group كومپانياسى ۇسىندى. ەرەكشە مودەلگە TechRadar باسىلىمى نازار اۋداردى, دەپ جازادى Egemen.kz.
GP TV قۇرىلعىسىنىڭ الدىڭعى جانە ارتقى بەتىندە بىردەي 48 ديۋيمدىك ەكران ورنالاسقان. ەكى ديسپلەي دە 4ك اجىراتىمدىلىقتاعى OLED ماتريتساسىمەن جابدىقتالعان. تەلەديدار قايتا وڭدەلگەن ماتەريالداردان جاسالعان مەتالل تىرەكتەرگە ورناتىلعان جانە Dolby Atmos دىبىس تەحنولوگياسىن قولدايدى.
ChatGPT كامەلەتكە تولماعانداردى اۆتوماتتى تۇردە انىقتاي باستايدى
كومپانيا وكىلدەرىنىڭ ايتۋىنشا, GP TV بىرنەشە قولدانۋشىنىڭ ءبىر مەزەتتە كورۋىنە ارنالعان. ماسەلەن, گەيمەرلەر ءۇشىن ىڭعايلى شەشىم رەتىندە ۇسىنىلادى. سونداي اق مودەل مەملەكەتتىك سەكتور مەن ۇكىمەتتىك مەكەمەلەرگە باعىتتالعان.
جۋرناليستەر بۇل شەشىمدى توسىن دەپ باعالادى.
«مۇنداي قۇرىلىم ەرەكشە كورىنەدى, سەبەبى تەلەديدارلار مەن مونيتورلاردىڭ كوبى قابىرعاعا نەمەسە ۇستەلگە قويىلادى. سوندىقتان ارتقى بەتتەگى ەكران كوپ جاعدايدا قاجەتسىز بولىپ كورىنۋى مۇمكىن», دەپ جازادى ولار.
ساراپشىلار تەحنيكالىق تۇرعىدان جاڭاشىل بولعانىمەن, ەكى جاقتى كونسترۋكتسيانىڭ كۇندەلىكتى ومىردەگى پراكتيكالىق قولدانىسىنا كۇمان بار ەكەنىن ايتادى.
باتىرماسىز باسقارىلاتىن «Black Swan»
GP TV باعاسى مەن ساتىلىمعا شىعۋ مەرزىمى ازىرگە جاريالانعان جوق. الايدا TPV Technology Group بۇل مودەل پرەميۋم ساناتتاعى ءونىم ەكەنىن اتاپ ءوتتى.
ايتا كەتەيىك, قاڭتار ايىنىڭ سوڭىندا Counterpoint Research ساراپشىلارى Samsung كومپانياسى الداعى ۋاقىتتا الەمدەگى جەتەكشى تەلەديدار ءوندىرۋشى مارتەبەسىنەن ايىرىلۋى مۇمكىن ەكەنىن بولجاعان ەدى. ساراپشىلاردىڭ پىكىرىنشە, بۇل اتاقتى قىتايلىق TCL كومپانياسى يەلەنۋى ىقتيمال.
ساراننان «Samsung» تەلەديدارى شىعادى