جول-كولىك وقيعاسى بولعان كەزدە ۋاقىتتى سوزباي, ساقتاندىرۋ تولەمىن تىكەلەي راسىمدەۋگە مۇمكىندىك بەرەتىن ەۋروحاتتاما تەتىگى كەڭىنەن قولدانىلىپ كەلەدى. قازاقستاننىڭ قارجى نارىعىن رەتتەۋ جانە دامىتۋ اگەنتتىگى مىندەتتى اۆتوساقتاندىرۋ بويىنشا ءوتىنىش بەرۋدىڭ وسى جەڭىلدەتىلگەن ءتارتىبى تۋرالى تاعى ءبىر مارتە ەسكە سالدى, دەپ جازادى Egemen.kz.
ەۋروحاتتاما – جول-كولىك وقيعاسىنا (جكو) قاتىسۋشىلارعا جول پوليتسياسى قىزمەتكەرلەرىن شاقىرماي جانە سوتقا جۇگىنبەي-اق, اپات ورنىندا ساقتاندىرۋ ۇيىمىنا تىكەلەي ساقتاندىرۋ تولەمىنە ءوتىنىش جولداۋعا مۇمكىندىك بەرەتىن ءراسىم.
بۇل تەتىك ۋاقىتتى ۇنەمدەۋگە, ارتىق قاعازباستىلىقتان ارىلۋعا جانە داۋ-دامايدى ۋشىقتىرماي شەشۋگە باعىتتالعان.
ەۋروحاتتاما شەڭبەرىندە ساقتاندىرۋ جاعدايىن رەتتەۋ ءۇشىن مىنا تالاپتار ورىندالۋعا ءتيىس:
- وقيعاعا تەك ەكى كولىك قاتىسادى;- ەكى جۇرگىزۋشىنىڭ دە قولدانىستاعى ساقتاندىرۋ ءپوليسى بار;- زالال سوماسى 100 اەك-تەن اسپايدى;- قاتىسۋشىلار اراسىندا كىنالى تاراپقا قاتىستى كەلىسپەۋشىلىك جوق;- جكو سالدارىنان ەشكىمنىڭ ءومىرى مەن دەنساۋلىعىنا زيان كەلمەگەن;- ءۇشىنشى تۇلعالاردىڭ مۇلكىنە زالال كەلتىرىلمەگەن.
وسى تالاپتاردىڭ ءبارى ساقتالعان جاعدايدا عانا جەڭىلدەتىلگەن ءتارتىپ قولدانىلادى.
قوستاناي وبلىسىندا جىل باسىنان بەرى 300-دەن اسا جول-كولىك وقيعاسى تىركەلدى
ءوتىنىشتى قالاي راسىمدەۋگە بولادى؟ ناتيجە جانە تيىمدىلىكەۋروحاتتامانى رەسىمدەۋ ءۇشىن قاتىسۋشىلاردىڭ ەكەۋى دە «Europrotocol», «DTP.kz» نەمەسە «Halyk Kazakhstan» ءموبيلدى قوسىمشالارىنىڭ ءبىرىن جۇكتەپ الۋى قاجەت. سونىمەن قاتار ساقتاندىرۋ ۇيىمدارىنىڭ رەسمي ينتەرنەت-رەسۋرستارى ارقىلى دا ءوتىنىش بەرۋگە مۇمكىندىك بار.
راسىمدەۋ ءتارتىبى مىناداي:
- قوسىمشادا سايكەستەندىرۋدەن ءوتۋ;- دەكلاراتسيالاردى تولتىرۋ;- اپات ورنىن فوتو جانە بەينەماتەريالدارمەن تىركەۋ;- ءوتىنىشتى جۇيە ارقىلى ساقتاندىرۋ ۇيىمىنا جولداۋ.
ماڭىزدى تالاپ – ساقتاندىرۋشى دەكلاراتسيانى قابىلداعانى تۋرالى حابارلاما كەلگەنگە دەيىن وقيعا ورنىنان كەتپەۋ. حابارلاما الىنعان سوڭ قاتىسۋشىلار جولىن جالعاستىرا الادى. بۇل جاعدايدا جول پوليتسياسىن شاقىرۋ جانە سوتقا جۇگىنۋ تالاپ ەتىلمەيدى.
جول-كولىك وقيعاسى 27 پايىزعا ارتقان
2026 جىلعى 1 قاڭتارداعى جاعداي بويىنشا ەۋروحاتتاما ىسكە قوسىلعالى بەرى جالپى سوماسى 4,9 ملرد تەڭگەگە جۋىق 25 مىڭعا تارتا ساقتاندىرۋ وقيعاسى جەڭىلدەتىلگەن تارتىپپەن راسىمدەلگەن.
بۇل تەتىك:
- ساقتاندىرۋ تولەمدەرىن الۋ مەرزىمىن ەداۋىر قىسقارتادى;- جول ينفراقۇرىلىمىنا تۇسەتىن جۇكتەمەنى ازايتادى;- سوت جۇيەسىنە تۇسەتىن اۋىرتپالىقتى تومەندەتەدى;- جۇرگىزۋشىلەردىڭ ۋاقىتىن ۇنەمدەيدى.
ەۋروحاتتاما – تسيفرلىق مۇمكىندىكتەردى ءتيىمدى پايدالانۋ ارقىلى ازاماتتارعا قولايلى جاعداي جاساۋعا باعىتتالعان ناقتى قادام.
جول-كولىك وقيعاسىن ازايتۋدىڭ ءبىر شاراسى