توبىلداعى قونىستوي

بىلتىر كوكتەمدە عانا قۇرىلىسى باستالعان جاڭا شاعىن اۋداندا بۇگىنگە دەيىن 10 ءۇيدىڭ (450 پاتەر) قۇرىلىسى اياقتالىپ, ەل يگىلىگىنە بەرىلگەن. قازىر تاعى 13 ءۇيدىڭ ىرگەتاسى قالانىپ جاتسا, جازعا سالىم قوسىمشا 16 تۇرعىن ءۇيدىڭ قۇرىلىسى باستالادى. جالپى, جوسپار بويىنشا مۇندا 154 كوپقاباتتى ءۇي بوي كوتەرىپ, 60 مىڭنان استام وتباسى قونىستانۋعا ءتيىس.

تۇرعىندارعا پاتەر كىلتتەرىن تابىس­تاعان وبلىس اكىمى قۇمار اقساقالوۆ بۇل جوبانىڭ تۇرعىن ءۇي-كوممۋنالدىق ينفراقۇرىلىمدى دامىتۋدىڭ 2023–2029 جىلدارعا ارنالعان تۇجىرىمداماسى اياسىندا جۇزەگە اسىپ جاتقانىن اتاپ ءوتتى.

وبلىستىق قۇرىلىس, ساۋلەت جانە قالا قۇرىلىسى باسقارماسىنىڭ مالىمەتىنشە, كەيىنگى ءۇش جىلدا پايدالانۋعا بەرىلگەن تۇرعىن ءۇي كولەمى 9%-عا وسكەن.

وتكەن جىلى 517,4 مىڭ شارشى مەتر باسپانا سالىنعان (ونىڭ 64 مىڭ شارشى مەترى اۋىلدىق جەرلەردە بوي كوتەرىپ, 5,5 مىڭعا جۋىق اۋىلدىق وتباسى قامتىلدى).

«قوستاناي جاستارى» يپوتەكاسىمەن بۇگىنگە دەيىن 5 ملرد تەڭگە يگەرىلىپ, 340 جاس وتباسى باسپانالى بولسا, بيىل باعدارلاماعا تاعى 2 ملرد تەڭگەگە جۋىق قارجى ءبولىنىپ وتىر.

قوستاناي وبلىسى