اقش پەن ءيزرايلدىڭ يرانعا قارسى اسكەري ارەكەتتەرى تۋرالى حابار تاراعان سوڭ, الەمدىك مۇناي باعاسى بىردەن قىمباتتادى. سوڭعى سەگىز ايدا العاش رەت مۇنايدىڭ باعاسى ءبىر باررەلىنە 80 دوللاردان استى. بۇعان سەبەپ – مۇناي جەتكىزىلمەي قالۋى مۇمكىن دەگەن قاۋىپ. ەڭ ۇلكەن الاڭداۋشىلىق پارسى شىعاناعىنداعى ورمۇز بۇعازىنا قاتىستى. بۇل – الەمگە تاسىمالداناتىن مۇنايدىڭ قوماقتى بولىگى وتەتىن ماڭىزدى جول. ەگەر وسى بۇعاز جابىلسا نەمەسە قوزعالىس قيىنداسا, مۇناي ازايىپ, باعا ودان ءارى ءوسۋى مۇمكىن دەگەن قاۋىپ بار, دەپ جازادى Egemen.kz.
«جەتكىزىلىمدەردىڭ ءۇزىلۋ قاۋپى بار. بۇعان قوسا, الەمدىك تەڭىز ارقىلى تاسىمالداناتىن مۇنايدىڭ 20-25%-ى وتەتىن ورمۇز ارقىلى ءترانزيتتىڭ قاۋىپسىزدىگى دە الاڭداتادى», دەپ جازادى «الفا-ينۆەستيتسي» تالداۋشىلارى.
«قازىرگى تاڭدا نارىقتا بەلگىلى ءبىر ارتىق ۇسىنىس بار. دەگەنمەن ورمۇز بۇعازى تولىق جابىلاتىن بولسا, تاۋلىگىنە شامامەن 10 ملن باررەلگە دەيىن مۇناي تاپشىلىعى تۋىنداۋى مۇمكىن. بۇل – الەمدىك تۇتىنۋدىڭ شامامەن 10 پايىزى. مۇنداي جاعداي باعانى قازىرگى دەڭگەيدەن الدەقايدا جوعارى كوتەرۋى ىقتيمال», دەيدى رەسەيدىڭ «پەرۆايا»ينۆەستيتسيالىق كومپانياسىنىڭ ساراپشىسى اننا بۋتەنكو.
بالاما باعىتتار بار بولعانىمەن, ولاردىڭ مۇمكىندىگى شەكتەۋلى. ساۋد ارابياسىنىڭ شىعىس-باتىس باعىتىنداعى مۇناي قۇبىرى مەن ابۋ-دابي ينفراقۇرىلىمى ارقىلى اعىننىڭ ءبىر بولىگىن قايتا باعىتتاۋعا بولادى. الايدا سونىڭ وزىندە ورمۋز بۇعازى جابىلسا, تازا شىعىن تاۋلىگىنە 8-10 ملن باررەلدى قۇرايدى. مۇنى Rystad Energy كومپانياسىنىڭ گەوساياسي تالداۋ ءبولىمىنىڭ باسشىسى حورحە لەون اتاپ وتەدى.
يراندا الي حامەنەينىڭ ورنىنا ۋاقىتشا كوشباسشى تاعايىندالدى
سايىپ كەلگەندە, مۇناي نارىعىندا باعانى قازىر سۇرانىس پەن ۇسىنىستان گورى گەوساياسي قاتەرلەر ايقىنداپ وتىر. ال باستى تاسىمال باعىتتارىنىڭ قاۋىپسىزدىگىنە قاتىستى بەلگىسىزدىك جويىلمايىنشا, باعانىڭ قۇبىلمالى سيپاتى ساقتالا بەرمەك.
يراندا جۇرگەن قازاقستاندىقتار ەلگە قالاي ورالادى؟