كولىك قۇرالدارىنىڭ جۇرگىزۋشىلەرىن دايارلاۋ قاعيدالارىنا سايكەس اۆتومەكتەپتەردىڭ ەسەبىن جۇرگىزۋ جانە وقۋ توپتارىن اقپاراتتىق جۇيەدە تىركەۋ مىندەتتى سانالادى. وسى ماقساتتا ىشكى ىستەر مينيسترلىگى «اۆتومەكتەپ» اتتى اقپاراتتىق جۇيەنى ازىرلەدى, دەپ حابارلايدى Egemen.kz.
Polisia.kz مالىمەتىنشە, اۆتومەكتەپتى تامامداعانى تۋرالى كۋالىكتەر ەندى ەلەكتروندىق فورماتقا كوشىرىلەدى. بۇل وقۋدان تولىق وتپەي-اق قىسقا مەرزىمدە كۋالىك بەرۋ جانە قۇجاتتاردى قولدان جاساۋ دەرەكتەرىنىڭ الدىن الۋعا مۇمكىندىك بەرەدى. «اۆتومەكتەپ» اقپاراتتىق جۇيەسى – ءىىم-ءنىڭ بالانسىنداعى مەملەكەتتىك اقپاراتتىق جۇيە. ونىڭ Smart Bridge پلاتفورماسىندا جاريالانعان ينتەگراتسيالىق سەرۆيسى بارشاعا قولجەتىمدى.
ىشكى ىستەر مينيسترلىگى باقىلاۋ شارالارىن كۇشەيتەتىنىن مالىمدەدى
قازىرگى ۋاقىتتا Smart Bridge پورتالى ارقىلى «CarLife» كاسىبي بىرلەستىگىنە تيەسىلى «Avtomektep.kz» مەملەكەتتىك ەمەس اقپاراتتىق جۇيەسى «اۆتومەكتەپ» جۇيەسىنە قوسىلعان. قوسىلۋ «ەلەكتروندىق ۇكىمەت» نىساندارىن ينتەگراتسيالاۋ قاعيدالارىنا سايكەس جۇزەگە اسىرىلعان.
سونىمەن قاتار ينتەرنەت پەن الەۋمەتتىك جەلىلەردە ازاماتتارعا جۇرگىزۋشىلەردى جەدەلدەتىلگەن ونلاين فورماتتا وقىتۋ جونىندە ۇسىنىستار تاراپ جاتىر.
ىشكى ىستەر مينيسترلىگى جەلىدە تاراعان جالعان اقپاراتقا قاتىستى تۇسىنىكتەمە بەردى
وسىعان بايلانىستى ءىىم ازاماتتارعا جۇرگىزۋشى كۋالىگىن الۋ ءۇشىن اۆتومەكتەپتە تولىق وقۋ كۋرسىنان ءوتۋ قاجەتتىگىن ەسكەرتەدى. باعدارلاما تەوريالىق بىلىممەن قاتار, كولىك قۇرالىن باسقارۋ داعدىلارىن بەكىتۋگە ارنالعان پراكتيكالىق ساباقتاردى قامتيدى. مۇنداي تاجىريبەلىك ماشىقتاردى ونلاين فورماتتا تولىق مەڭگەرۋ مۇمكىن ەمەس.