استانا اۋەجايىنداعى ىشكى رەيستەر تەرمينالىندا تىركەۋدەن ءوتىپ جاتقان جولاۋشىنىڭ ءبىرى «بومبا» تۋرالى ازىلدەپ, رەيستەن شەتتەتىلدى. كەيىن ونىڭ «قايرات» فۋتبول كلۋبىنىڭ دارىگەرى ەكەنى انىقتالدى, دەپ حابارلايدى Egemen.kz.
وقيعا تىركەۋ سورەسىندە بولعان. اۋە قاۋىپسىزدىگى قىزمەتكەرىنىڭ سۇراعىنا جاۋاپ بەرگەن جولاۋشى د. تۋراليەۆ ءازىل رەتىندە وزىندە «بومبا» بارىن ايتقان. وسى سوزدەن كەيىن اۋەجاي تەرمينالىنا كينولوگيالىق قىزمەت ماماندارى مەن قۇقىق قورعاۋ ورگاندارىنىڭ وكىلدەرى شۇعىل جىبەرىلدى.
«جارىلعىش زات بار»: اتىراۋ اۋەجايىندا جولاۋشىلار ەۆاكۋاتسيالاندى
قاۋىپسىزدىك تالاپتارىنا سايكەس جولاۋشى دەرەۋ ۇستالىپ, رەيستەن ءتۇسىرىلدى. اۋەجاي قىزمەتتەرى جاعدايدى تەكسەرىپ, ءتيىستى راسىمدەردى جۇرگىزدى.
مامانداردىڭ ايتۋىنشا, اۋەجاي اۋماعىندا جارىلعىش قۇرىلعىلارعا قاتىستى ءازىل ايتۋعا دا, مۇنداي سوزدەردى قولدانۋعا دا قاتاڭ تىيىم سالىنادى. مۇنداي مالىمدەمە جالعان بولسا دا, ول قاۋىپسىزدىك الگوريتمىن تولىق ىسكە قوسۋعا نەگىز بولادى. بۇل رەيستەردىڭ كەشىگۋىنە, جولاۋشىلاردى ەۆاكۋاتسيالاۋعا جانە قوسىمشا كۇش پەن قۇرال تارتۋعا اكەلەدى.
بالقاشتاعى مەكتەپتەرگە جارىلعىش زات قويىلعانى راس پا
قۇزىرلى ورگاندار اۋە كولىگى نىساندارىندا قاۋىپسىزدىك تالاپتارىن قاتاڭ ساقتاۋ قاجەتتىگىن ەسكە سالدى. قوعامدىق ءتارتىپ پەن جولاۋشىلار قاۋىپسىزدىگىنە قاتەر توندىرەتىن كەز كەلگەن ارەكەت زاڭ شەڭبەرىندە باعالانادى.
بومبا تۋرالى جالعان حابارلاما بەرگەن ازامات ۇستالدى