قازاقستان رەسپۋبليكاسى ۇلتتىق بانكىنىڭ رەسمي حابارى
الماتى 2015 جىلعى 14 تامىز
ەسكەرتكىش مونەتالاردى اينالىسقا شىعارۋ تۋرالى
«قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ № 2155 زاڭىنا سايكەس, قازاقستان رەسپۋبليكاسىنىڭ ۇلتتىق بانكى 2015 جىلعى 14 تامىزدا «بانكنوتالارداعى پورترەتتەر» مونەتالار سەرياسىنان نومينالدىق قۇنى 500 تەڭگەلىك, «رroوf» ساپالى التىننان جانە كۇمىستەن جانە نومينالدىق قۇنى 50 تەڭگەلىك نەيزيلبەر قوسپاسىنان «اباي» ەسكەرتكىش مونەتالارىن اينالىسقا شىعارادى.
«اباي» ەسكەرتكىش مونەتالارىنىڭ سيپاتتاماسى:
التىننان, كۇمىستەن جانە نەيزيلبەر قوسپاسىنان جاسالعان مونەتالاردىڭ بەت جانە سىرت جاقتارىنداعى بەينەلەر بىردەي. «رroof» ساپالى التىن جانە كۇمىس مونەتالارداعى بەينە جىلتىر بەتكە سالىنعان.
مونەتالاردىڭ بەت جاعىندا (اۆەرسىندە) ورتالىق بولىگىندە قازاقستان رەسپۋبليكاسىنىڭ ەلتاڭباسى بەينەلەنگەن. تومەنگى بولىگىندە مونەتانىڭ نومينالىن بىلدىرەتىن سان (التىن جانە كۇمىس مونەتادا «500», نەيزيلبەر قوسپاسىنان جاسالعان مونەتادا «50») جانە «تەڭگە» دەگەن جازۋ بار. سول جانە وڭ جاق بولىگىندە ۇلتتىق ويۋ-ورنەك ەلەمەنتى ءبىر دەڭگەيدە بەينەلەنگەن, اينالدىرا مەملەكەتتىك تىلدە «قازاقستان رەسپۋبليكاسى» جانە ورىس تىلىندە «رەسپۋبليكا كازاحستان» دەگەن جازۋ بار. جوعارعى بولىكتە قازاقستان رەسپۋبليكاسى ۇلتتىق بانكىنىڭ لوگوتيپى ورنالاسقان. اينالدىرا شىعىڭقى جيەك.
مونەتالاردىڭ سىرت جاعىندا (رەۆەرسىندە) ورتالىق بولىگىندە قازاقتىڭ اعارتۋشىسى ابايدىڭ پورترەتى ورنالاسقان 20 تەڭگەلىك بانكنوتتىڭ بەت جاعىنىڭ ءبىر بولىگى بەينەلەنگەن. اينالدىرا مەملەكەتتىك تىلدە «اباي» دەگەن جازۋ, سوعىلعان جىلىن بىلدىرەتىن «2015» دەگەن سان جانە بانكنوتتان الىنعان گرافيكالىق ەلەمەنتتەر بار. جوعارعى بولىگىندە مونەتا دايىندالعان مەتالدى, ونىڭ سىنامىن جانە ماسساسىن بىلدىرەتىن جازۋ (التىن مونەتادا «Au 999 7,78 g», كۇمىس مونەتادا «Ag 925 31,1 g.») بار. اينالدىرا شىعىڭقى جيەك.
مونەتالاردىڭ بەت جانە سىرت جاعىنداعى بەينەلەر مەن جازبالار بەدەرلەنگەن.
قىرى (گۋرتى) بەدەرلى.
مونەتالار:
1) 999 سىنامدى التىننان جاسالعان, ماسساسى – 7,78 گرامم, ديامەترى – 21,87 مم, دايىنداۋ ساپاسى – «proof», تارالىمى – 1 مىڭ دانا;
2) 925 سىنامدى كۇمىستەن جاسالعان, ماسساسى – 31,1 گرامم, ديامەترى – 38,61 مم, دايىنداۋ ساپاسى – «proof», تارالىمى – 3 مىڭ دانا;
3) نەيزيلبەر قوسپاسىنان جاسالعان, ديامەترى – 31 مم, ماسساسى – 11,17 گرامم, تارالىمى – 100 مىڭ دانا.
ەسكەرتكىش مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا, سونداي-اق شوتتارعا, سالىمدارعا, اككرەديتيۆتەرگە ەسەپتەۋ ءۇشىن جانە اۋدارىم جاساۋ ءۇشىن قابىلدانۋعا مىندەتتى, قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.
قازاقستان رەسپۋبليكاسى ۇلتتىق بانكىنىڭ وسى رەسمي حابارعا
تۇسىندىرمەسى
قازاقتىڭ اعارتۋشىسى ءارى ويشىلى ابايدىڭ پورترەتى 1993 جىلعى ۇلگىدەگى 20 تەڭگەلىك بانكنوتتىڭ بەت جاعىندا بەينەلەنگەن بولاتىن.
قازىرگى ۋاقىتتا بانكنوت اينالىستان الىنعان.
ەسكەرتكىش مونەتالاردى «قازاقستان رەسپۋبليكاسى ۇلتتىق بانكىنىڭ قازاقستان تەڭگە سارايى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى دايىنداعان.
مونەتالاردىڭ ديزاينى قازاقستان رەسپۋبليكاسى پرەزيدەنتىنىڭ 2003 جىلعى 25 قىركۇيەكتەگى № 1193 جارلىعىمەن بەكىتىلگەن قازاقستان تەڭگەسى – ۇلتتىق ۆاليۋتا بانكنوتتارى مەن مونەتالارى ديزاينىنىڭ تۇجىرىمداماسىنا سايكەس ازىرلەنگەن.
«Proof» ساپاسىمەن جاسالعان ەسكەرتكىش مونەتالار كوللەكتسيالىق قۇنى بويىنشا ساتۋعا ارنالعان. ولار كادەسىيلىق وراۋمەن شىعارىلادى جانە قازاقستان رەسپۋبليكاسى ۇلتتىق بانكىنىڭ مەملەكەتتىك, ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان.
نەيزيلبەر قوسپاسىنان جاسالعان ەسكەرتكىش مونەتالاردىڭ ءار ءتۇرىنىڭ التى مىڭ داناسى جاقسارتىلعان ساپامەن دايىندالعان جانە ساتۋ ءۇشىن ارنايى پلاستيكالىق تەرموۆاكۋمدى وراۋعا سالىنعان.
مونەتالاردى قازاقستان رەسپۋبليكاسى ۇلتتىق بانكىنىڭ بارلىق فيليالدارىندا, سونداي-اق قرۇب-نىڭ www.nationalbank.kz سايتىنىڭ «ۇلتتىق ۆاليۋتا» پاراقشاسىنداعى ينتەرنەت-دۇكەن ارقىلى ساتىپ الۋعا بولادى. الماتى قالاسىندا مىنا مەكەنجاي بويىنشا ساتىپ الۋعا بولادى: پانفيلوۆ كوشەسى, 98. انىقتاما ءۇشىن تەلەفونى (727) 273-83-98.