قاسىم-جومارت توقاەۆ قاۋىپسىزدىك كەڭەسىنىڭ حاتشىسى عيزات نۇرداۋلەتوۆكە يران توڭىرەگىندەگى جاعدايدىڭ ۋشىعۋىن جانە ەلىمىزدىڭ تۇراقتىلىعىنا ءتونۋى مۇمكىن قاۋىپ بەلگىلەرىن ەسكەرە وتىرىپ, شۇعىل شارالار قابىلداۋ جوسپارىن ۇسىنۋدى تاپسىردى, دەپ حابارلايدى Egemen.kz.
بۇل حابارلامانى اقوردانىڭ ءباسپاسوز قىزمەتى تاراتتى.
«پرەزيدەنت قاسىم-جومارت توقاەۆ قاۋىپسىزدىك كەڭەسىنىڭ حاتشىسى عيزات نۇرداۋلەتوۆكە كۇشتىك قۇرىلىمدار مەن سالالىق مينيسترلىكتەردىڭ جەتەكشىلەرىمەن بىرگە يرانداعى احۋالدىڭ ۋشىعۋىنا جانە ەلىمىزدەگى تۇراقتىلىققا قاتەر ءتوندىرۋ ىقتيمالدىعىنا بايلانىستى شۇعىل شارالار جوسپارىن ازىرلەۋدى تاپسىردى», دەلىنگەن حابارلامادا.
مەملەكەت باسشىسىنىڭ تاپسىرماسىمەن بارلىق كۇشتىك قۇرىلىمدار تاۋلىكتىك جۇمىس كەستەسىنە كوشىرىلدى. ۇكىمەتتە سىرتقى ىستەر مينيسترلىگى جەتەكشىلىك جاسايتىن ارنايى مونيتورينگ توبى جۇمىسقا كىرىستى. ءوڭىر اكىمدەرىنە تاياۋ شىعىستا بولىپ جاتقان جاعدايدى ەسكەرە وتىرىپ, شەشىم قابىلداۋ تاپسىرىلدى.2026 جىلعى 28 اقپاندا يراندا جارىلىستار بولدى. ءيزرايلدىڭ قورعانىس ءمينيسترى يسراەل كاتس سوققىلار «يزرايلگە تونگەن قاۋىپتەردى جويۋعا» باعىتتالعانىن مالىمدەدى. دونالد ترامپ وپەراتسياعا اقش-تىڭ دا قاتىسقانىن راستادى.
يران جاۋاپ رەتىندە يزرايلگە ونداعان زىمىران ۇشىردى
بۇعان دەيىن سىرتقى ىستەر مينيسترلىگى يرانداعى قازاقستاندىقتاردىڭ سانى تۋرالى اقپارات بەرگەن بولاتىن.