«سارىارقا» حوككەي كلۋبى ەل چەمپيوناتىنىڭ پلەي-وفف كەزەڭىن ءساتتى باستادى. جەرلەستەر بۇل كەزەڭدە رۋدنىيلىق «گورنياكپەن» العاشقى كەزدەسۋىن وتكىزىپ, 6:2 ەسەبىمەن جەڭىسكە جەتتى, دەپ حابارلايدى Egemen.kz.
«سارىارقا» بۇل جولى بارىن سالدى. ويىن باستالىسىمەن-اق سوققىنى قارشا بوراتىپ, قارسىلاستارعا شايبا ۇستاۋعا مۇمكىندىك بەرمەدى. ناتيجەسىندە, 2-ءشى مينۋتتا – ەگور كۋزمەنكو, 4-ءشى مينۋتتا – الەكساندر بوريسەۆيچ, 5-ءشى مينۋتتا سەرگەي بارباشەۆ بىرىنەن سوڭ ءبىرى قارسىلاس قاقپاسىنان ساڭىلاۋ تاپتى. بۇدان كەيىن ويىننىڭ 12-ءشى مينۋتىندا رۋسلان دەمين ءتورتىنشى شايبانى سالىپ, نەبارى ءبىرىنشى اينالىمدا ەسەپتى 4:0-گە جەتكىزدى.
مەملەكەت باسشىسى Astana Team بالالار حوككەي كومانداسىن جەڭىسكە جەتۋىمەن قۇتتىقتادى
ەكىنشى اينالىمدا دا قاراعاندىلىقتار ءبىرىنشى بولىپ ەسەپ اشتى. بۇل جولى 23-ءشى مينۋتتا دانيلا كارابان كوزگە ءتۇستى. ودان كەيىن 26-شى جانە 51-ءشى مينۋتتا رۋدنىيلىقتار ەكى شايبا سالىپ, ەسەپ الشاقتىعىن قىسقارتپاق بولىپ ەدى. ەكى مينۋتتان سوڭ ەگور كۋزمەنكو ويىنداعى ەكىنشى شايباسىن سالىپ, كەزدەسۋگە نۇكتە قويدى. ەسەپ – 6:2. ەندى جەرلەستەر ءوز الاڭىندا قارىمتا كەزدەسۋ وتكىزەدى.
قاراعاندىدا حوككەيشى ماتچ كەزىندە كوز جۇمدى