پاكىستان بيلىگى اۋعانستانداعى تاليبان ۇكىمەتىنە رەسمي تۇردە «اشىق سوعىس» جاريالاپ, كابۋل, كانداگار جانە پاكتيا پروۆينتسيالارىنداعى نىساندارعا اۋەدەن جويقىن سوققى بەردى, دەپ حابارلايدى Egemen.kz.
Geo تەلەارناسىنىڭ حابارلاۋىنشا, پاكىستان اسكەري-اۋە كۇشتەرى اۋعانستاننىڭ نانگارحار پروۆينتسياسىنداعى نىساندارعا سوققى جاساعان. الدىن الا مالىمەت بويىنشا, ءىرى وق-ءدارى قويماسى جويىلعان.
كەيىن ريا نوۆوستي اگەنتتىگى پاكىستان تاراپى كابۋل قالاسىنا, سونداي-اق كانداگار جانە پاكتيا پروۆينتسيالارىنا دا اۋە سوققىلارىن جاساعانىن حابارلادى.
پاكىستاننىڭ قورعانىس ءمينيسترى حاۆادجا اسيف اۋعاندىق «تاليبان» قوزعالىسىن تەرروريزمدى اۋعانستان اۋماعىنان سىرتقا ەكسپورتتادى دەپ ايىپتاپ, اشىق سوعىس باستالعانىن مالىمدەدى. Dawn گازەتىنىڭ جازۋىنشا, مينيستر اۋعانستاندى ء«ۇندىستاننىڭ ىقپالىنداعى ايماققا اينالدى» دەپ اتاپ, «سابىردىڭ شەگى تاۋسىلدى» دەگەن.
بۇعان دەيىن پاكىستان مەن اۋعانستان شەكاراسىندا قارۋلى قاقتىعىستار بولعان ەدى. نانگارحار پروۆينتسياسىنىڭ نازيان اۋدانىندا ەكى ەلدىڭ شەكاراشىلارى اراسىندا اتىس بولىپ, كەيىن جاعداي تۇراقتانعانى حابارلانعان.
«تاليبان» ۇكىمەتىنىڭ وكىلى پاكىستاننىڭ اۋعانستاننىڭ شىعىس ايماقتارىنا جاساعان اۋە سوققىلارى سالدارىنان 46 ادام قازا تاپقانىن مالىمدەگەن. ونىڭ ايتۋىنشا, قازا بولعانداردىڭ باسىم بولىگى – ايەلدەر مەن بالالار. سونداي-اق التى ادامنىڭ جارالانعانى حابارلاندى.
ءوز كەزەگىندە اۋعانستان قارۋلى كۇشتەرى بومبالاۋ ارەكەتتەرىنە جاۋاپ رەتىندە ديۋراند سىزىعى بويىنداعى پاكىستاندىق كۇشتەردىڭ نىساندارى مەن تىرەك پۋنكتتەرىنە قارسى اۋقىمدى اسكەري وپەراتسيا باستاعانىن مالىمدەدى. ايماقتاعى احۋال شيەلەنىسىپ, تاراپتار اراسىنداعى قاقتىعىس جاڭا كەزەڭگە وتكەن.
پاكىستان استاناسىنداعى مەشىتتە جارىلىس بولىپ, 31 ادام قازا تاپتى