قازاقستان قور بيرجاسىنىڭ (KASE) باسقارما توراعاسى ءادىل مۇحامەدجانوۆ ۇلتتىق بانك پەن قارجى نارىعىن رەتتەۋ جانە دامىتۋ اگەنتتىگى (قنردا) ۇيىمداستىرعان باعالى قاعازدار نارىعىن دامىتۋ باعدارلاماسىن تالقىلاۋ بويىنشا دوڭگەلەك ۇستەلگە قاتىستى. ول ەكونوميكا مەن كاسىپورىنداردى بانكتىك قارجىلاندىرۋدى ءتيىمدى جانە اۋقىمدى نارىقتىق قارجىلاندىرۋمەن تولىقتىرۋ قارجى جۇيەسىنىڭ الدىندا تۇرعان ستراتەگيالىق تاڭداۋ ەكەنىن اتاپ كورسەتتى, دەپ جازادى Egemen.kz.
ءادىل مۇحامەدجانوۆ رەتتەۋشى فۋنكتسيالاردى قايتا تەڭەستىرۋ شەڭبەرىندە KASE وكىلەتتىكتەرىن قايتا قاراۋدى, وڭىرلىك ەسەپ ايىرىسۋ حابى رەتىندە ورتالىق دەپوزيتاريدى كۇشەيتۋدى, ورتالىق كونتراگەنتتىڭ ءرولىن كۇشەيتۋدى, كرەديتتىك تاۋەكەلدەردى باسقارۋ ينفراقۇرىلىمىن دامىتۋدى جانە تسيفرلىق قارجى اكتيۆتەرى نارىعىن ىسكە قوسۋدى اتاپ ءوتتى.
سونداي-اق KASE مەن احقو اراسىنداعى رەتتەۋشى جانە سالىقتىق تورەلىكتى ۇيىمداستىرۋ جانە بىرىڭعاي ينۆەستيتسيالىق كەڭىستىكتى قالىپتاستىرۋ نيەتى ماڭىزدى قادام.
«تسيفرلىق ترانسفورماتسياعا: تسيفرلىق قارجى اكتيۆتەرى نارىعىن دامىتۋعا, باعالى قاعازدارمەن جاسالعان مامىلەلەر بويىنشا ەسەپ ايىرىسۋدى تەزدەتۋ جانە ولارعا قاتىستى قۇقىقتاردى ەسەپكە الۋدى ايقىن ەتۋ ءۇشىن جاڭا تەحنولوگيالاردى پايدالانۋعا, سونداي-اق حالىقارالىق قارجىلىق قاتىناستار ستاندارتتارىنا كوشۋگە ەرەكشە نازار اۋدارۋ قاجەت. ماڭىزدى مىندەت – ينۆەستورلار ءۇشىن بىرىڭعاي, تۇسىنىكتى ينۆەستيتسيالىق كەڭىستىك قالىپتاستىرۋ», دەپ اتاپ ءوتتى KASE باسشىسى.
ول زەينەتاقى جانە ساقتاندىرۋ اكتيۆتەرىنىڭ قاتىسۋىن بەلسەندى ەتۋ, بولشەك ينۆەستيتسيالاۋدى ىنتالاندىرۋ جانە قارجىلىق ساۋاتتىلىقتى ارتتىرۋ ارقىلى ىشكى سۇرانىستى قالىپتاستىرۋدى كاپيتال نارىعىنىڭ ءوسۋىنىڭ نەگىزگى فاكتورى دەپ اتادى.
ۇلتتىق بانك: بيزنەس رۋبل مەن دوللاردىڭ اۋىتقۋىنا تاۋەلدىلىكتى تومەندەتەدى
ءادىل مۇحامەدجانوۆتىڭ پىكىرىنشە, كاپيتال نارىعىن دامىتۋداعى ماڭىزدى قادام باعالى قاعازدار نارىعى تۋرالى جاڭا زاڭنىڭ قابىلدانۋى بولماق. ول بەلگىلەنگەن كۇن ءتارتىبىن ىسكە اسىرۋ ءۇشىن KASE رەتتەۋشىمەن جانە نارىق قاتىسۋشىلارىمەن سىندارلى ديالوگقا دايىن ەكەنىن راستادى.
ۇلتتىق بانك ەسكەرتەدى: تولەم كارتاسىن بۇعاتتاۋ ارقىلى جاسالاتىن الاياقتىق كوبەيدى