استانا قالاسىنداعى №119 جالپى ورتا ءبىلىم بەرەتىن مەكتەپتە وڭىرارالىق «ARYSMUN-2026» كونفەرەنتسياسى ءوتتى دەپ جازادى Egemen.kz.
ءىس-شاراعا ەلىمىزدىڭ ءار وڭىرىنەن كەلگەن 100-گە جۋىق وقۋشى قاتىستى. كونفەرەنتسيانىڭ ماقساتى – قاتىسۋشىلاردىڭ كوشباسشىلىق قابىلەتتەرىن دامىتۋ, زياتكەرلىك الەۋەتىن ارتتىرۋ, ديپلوماتيالىق قارىم-قاتىناس مادەنيەتىن قالىپتاستىرۋ. كەلەشەكتە حالىقارالىق ماسەلەلەردى تالقىلاۋدا ءوز كوزقاراسىن ساۋاتتى ءارى دالەلدى جەتكىزۋ داعدىلارىن جەتىلدىرۋ جايى تالقىلاندى.
پلەنارلىق وتىرىس بارىسىندا قاتىسۋشىلارعا Model United Nations فورماتىنىڭ ەرەكشەلىكتەرى ايتىلىپ, نەگىزگى تاقىرىپتار ايقىندالدى. سەكتسيالىق وتىرىستاردا وقۋشىلار حالىقارالىق كۇن تارتىبىندەگى وزەكتى ماسەلەلەردى تالقىلاپ, ۇسىنىستارىن ورتاعا سالدى. پىكىرسايىس فورماتىنداعى جۇمىستار بارىسىندا دەلەگاتتار ءوز مەملەكەتتەرىنىڭ ۇستانىمىن قورعاپ, كەلىسسوزدەر جۇرگىزۋ, رەزوليۋتسيا جوبالارىن ازىرلەۋ مەن بىرلەسكەن شەشىمدەر قابىلداۋ تاجىريبەسىن اڭعارتتى.
كونفەرەنتسيا بارىسىندا قاتىسۋشىلاردىڭ اناليتيكالىق ويلاۋ قابىلەتى, كوپشىلىك الدىندا سويلەۋ مادەنيەتى جانە توپپەن جۇمىس جاساۋ داعدىلارى ايقىن كورىندى. ءاربىر دەلەگات ءوز پىكىرىن ناقتى دالەلدەرمەن نەگىزدەپ, قارسى تاراپتىڭ كوزقاراسىنا قۇرمەتپەن قاراۋ ارقىلى سىندارلى ديالوگ ورناتۋعا كۇش سالدى.
ءىس-شارا قورىتىندىسىندا بەلسەندىلىك تانىتىپ, ۇزدىك ناتيجە كورسەتكەن قاتىسۋشىلار ارنايى سىيلىق, العىس حاتتارمەن ماراپاتتالدى. كونفەرەنتسيا بىرلىك پەن دوستىقتى دارىپتەيتىن ورتاق انمەن اياقتالىپ, قاتىسۋشىلارعا ەرەكشە رۋحاني اسەر سىيلادى.
الماتىدا جاستاردىڭ ۇكىمەتتىك ەمەس ۇيىمدارى قۇرىلادى
«ARYSMUN-2026» جاس كوشباسشىلاردىڭ تاجىريبە الماسۋىنا, جاڭا يدەيالار ۇسىنۋىنا جانە بولاشاقتاعى كاسىبي باعدارىن ايقىنداۋىنا مۇمكىندىك بەرگەن ماڭىزدى ءبىلىم بەرۋ الاڭى ەكەنىن ايقىنداي ءتۇستى.
اقسۋ جاستارى وبلىس اكىمىمەن جاڭا كونستيتۋتسيا جوباسىن تالقىلادى