2025 جىلعى اقپاننان 2026 جىلعى قاڭتاردى قوسا العانداعى كەزەڭدە ەل تۇرعىندارىنىڭ زەينەتاقى جيناقتارىنا ەسەپتەلگەن ينۆەستيتسيالىق كىرىس كولەمى شامامەن 2,28 ترلن تەڭگەنى قۇرادى. وسى ۋاقىت ارالىعىنداعى كىرىستىلىك 9,74% بولدى. بۇل كورسەتكىشتەر ۇلتتىق بانكتىڭ زەينەتاقى اكتيۆتەرىن باسقارۋ جونىندەگى ينۆەستيتسيالىق قىزمەتى ناتيجەسىندە قالىپتاستى, دەپ حابارلايدى Egemen.kz.
زەينەتاقى اكتيۆتەرىنىڭ جەكەلەگەن قىسقا كەزەڭدەردەگى تابىستىلىعى ۇزاق مەرزىمدى باسقارۋ تيىمدىلىگىن تولىق سيپاتتاي المايدى. كىرىستىلىك دەڭگەيى قارجى قۇرالدارىنىڭ نارىقتىق قۇنىنا, ۆاليۋتا باعامدارىنىڭ اۋىتقۋىنا جانە وزگە دە سىرتقى فاكتورلارعا تاۋەلدى. سوندىقتان ينۆەستيتسيالىق تابىستى ۇزاق مەرزىمدى تۇرعىدا باعالاۋ ورىندى.
وسى رەتتە ورتا جانە ۇزاق مەرزىمدە زەينەتاقى جيناقتارىنىڭ وڭ ناقتى كىرىستىلىگى, ياعني ينفلياتسيادان جوعارى تابىس قامتاماسىز ەتىلىپ كەلەدى. 1998 جىلى جيناقتاۋشى زەينەتاقى جۇيەسى قۇرىلعاننان بەرى 2026 جىلعى 1 اقپانداعى جاعداي بويىنشا جيناقتالعان ينۆەستيتسيالىق كىرىستىلىك 1 173,15% بولسا, وسى كەزەڭدەگى ينفلياتسيا 952,32% دەڭگەيىندە قالىپتاستى.
2026 جىلعى 1 اقپانداعى دەرەككە سايكەس, 2014 جىلى زەينەتاقى اكتيۆتەرى بىرىڭعاي جيناقتاۋشى زەينەتاقى قورىنا بىرىكتىرىلگەننەن بەرى جيناقتالعان تازا ينۆەستيتسيالىق كىرىس 13,99 ترلن تەڭگەگە جەتتى. بۇل سوما تولەمدەردى ەسكەرگەندەگى زەينەتاقى جيناقتارىنىڭ جالپى كولەمىنىڭ 41,5%-ىن قۇرايدى. ياعني ينۆەستيتسيالىق قىزمەت سالىمشىلار قاراجاتىن كوبەيتۋدىڭ ماڭىزدى تەتىگىنە اينالىپ وتىر.
ەل تۇرعىندارى باسپانا مەن ەمدەلۋ باعىتىندا بجزق-دان قانشا ترلن تەڭگە الدى؟
سالىمشىلار ءوز زەينەتاقى اكتيۆتەرىنىڭ ءبىر بولىگىن جەكە ينۆەستيتسيالىق پورتفەلدى باسقارۋشىلارعا (يپب) سەنىپ تاپسىرۋعا قۇقىلى. اتاپ ايتقاندا, مىندەتتى زەينەتاقى جارنالارى ەسەبىنەن جيناقتاردىڭ 50%-نا دەيىن, ال ەرىكتى زەينەتاقى جارنالارى ەسەبىنەن 100%-نا دەيىن اۋدارۋعا مۇمكىندىك بار.
ۇلتتىق بانكتىڭ باسقارۋ ءتاسىلى ۇزاق مەرزىمدى ساقتالىم مەن تۇراقتى تابىسقا باعىتتالعان بارىنشا كونسەرۆاتيۆتى ساياساتقا نەگىزدەلسە, يپب-لاردىڭ ينۆەستيتسيالىق دەكلاراتسيالارى كىرىستىلىكتى ارتتىرۋعا ارنالعان كەڭىرەك مۇمكىندىكتەر ۇسىنادى. الايدا بۇل باعىتتاعى تاۋەكەل دەڭگەيى دە جوعارى ەكەنىن ەسكەرگەن ءجون.
«وتباسى بانك» زەينەتاقى قارجىسىنا كوز ەمدەۋگە تىيىم سالدى
ايتا كەتەيىك, قازاقستاندا ۇلتتىق بانك باسقارۋىنداعى مىندەتتى جانە مىندەتتى كاسىپتىك زەينەتاقى جارنالارىنىڭ ينفلياتسيا دەڭگەيىن ەسكەرە وتىرىپ ساقتالۋىنا بىرەگەي مەملەكەتتىك كەپىلدىك بەرىلگەن. ەگەر سالىمشىنىڭ تولەم الۋ قۇقىعى باستالعان ساتتە جەكەلەگەن كەزەڭدەردەگى تابىستىلىق تومەندەپ, جيناقتالعان كىرىستىلىككە كەرى اسەر ەتسە, ايىرمانى وتەۋ مىندەتىن مەملەكەت ءوز موينىنا الادى.
زەينەتاقى جيناعىمەن پلاستيكالىق وتا جاساۋعا تىيىم سالىندى