جامبىل وبلىسىندا ءۇش وقۋشىنىڭ اتا-اناسى بالالارىنىڭ مەكتەپتەگى بۋللينگ ارەكەتتەرى ءۇشىن اكىمشىلىك جاۋاپكەرشىلىككە تارتىلدى. بۇل تۋرالى وبلىستىق سوتتىڭ ءباسپاسوز قىزمەتى حابارلادى, دەپ جازادى Egemen.kz.
سوتتىڭ مالىمەتىنشە, 2025 جىلدىڭ جەلتوقسان ايىندا مويىنقۇم اۋدانى جامبىل اۋىلىنداعى ورتا مەكتەپتە وقيتىن ءۇش كامەلەتكە تولماعان بالا باسقا وقۋشىلارعا جۇيەلى تۇردە قىسىم كورسەتىپ, ءتۇرلى جۇمىستاردى اتقارۋعا ماجبۇرلەگەن. بۇل ارەكەتتەر بۋللينگ, ونىڭ ىشىندە كيبەربۋللينگ رەتىندە باعالانعان.
مەكتەپتەگى قىسىم: بالالار اراسىنداعى بۋللينگتىڭ زاردابى قانداي؟
قۇقىق بۇزۋشىلىق فاكتىلەرى اكىمشىلىك حاتتامالارمەن, جابىرلەنۋشىلەردىڭ ارىزدارىمەن جانە وزگە دە ايعاقتارمەن تولىق دالەلدەنگەن.
سوت وتىرىسىندا ءۇش بالانىڭ اتا-اناسى كىناسىن مويىنداپ, كەشىرىم سۇراعان. ال جابىرلەنۋشى تاراپتىڭ اتا-انالارى ءىستىڭ ءمان-جايىمەن تولىق كەلىسكەن.
اكىمشىلىك قۇقىق بۇزۋشىلىق تۋرالى كودەكستىڭ 127-2-بابى 1-بولىگىنە سايكەس, مۇنداي قۇقىق بۇزۋشىلىق ءۇشىن ەسكەرتۋ نەمەسە 10 ايلىق ەسەپتىك كورسەتكىش (اەك) كولەمىندە ايىپپۇل قاراستىرىلعان. ءىستىڭ سيپاتىن, قۇقىق بۇزۋشىلاردىڭ جەكە باسىن جانە جەڭىلدەتەتىن ءمان-جايلاردى ەسكەرە وتىرىپ, سوت ءار اتا-اناعا 10 اەك مولشەرىندە, ياعني 43 250 تەڭگە ايىپپۇل سالدى.
استانادا 7-سىنىپ وقۋشىسى بۋللينگتى انىقتايتىن جۇيە ۇسىندى