امەريكالىق «U.S. News & World Report» باسىلىمىنىڭ ساراپشىلارى زەينەتكەرلىك دەمالىستا ءومىر سۇرۋگە ەڭ قولايلى ەلدەردىڭ كەزەكتى رەيتينگىن جاريالادى. وسى زەرتتەۋ ناتيجەسى بويىنشا قازاقستان تاۋەلسىز مەملەكەتتەر دوستاستىعى (تمد) ەلدەرى اراسىندا 77-ورىنعا جايعاستى, دەپ حابارلايدى Egemen.kz.
رەيتينگ 17 مىڭعا جۋىق ادامنىڭ قاتىسۋىمەن وتكەن اۋقىمدى ساۋالناما نەگىزىندە جاسالعان. قاتىسۋشىلار ەلدەردى جەتى نەگىزگى كريتەري بويىنشا باعالادى: ءومىر ءسۇرۋ قۇنى, سالىق جۇيەسى, حالىقتىڭ مەيىرىمدىلىگى, جايلىلىق, كليمات, مەنشىك قۇقىعىن قورعاۋ جانە مەديتسينا ساپاسى.
ەلىمىزدە زەينەتاقىنىڭ ورتاشا مولشەرى قانشا تەڭگە؟
جالپى تىزىمدەگى 89 مەملەكەتتىڭ ىشىندە قازاقستان 77-ورىنعا تۇراقتادى. بۇل كورسەتكىش بويىنشا ەلىمىز كورشىلەس مەملەكەتتەردەن ايتارلىقتاي الدا:
ازەربايجان – 81-ورىن; وزبەكستان – 84-ورىن; ۋكراينا – 85-ورىن; بەلارۋس – 87-ورىن; رەسەي – 89-ورىن (سوڭعى ورىنداردىڭ ءبىرى).زەينەتاقى قورىنداعى اقشا: بەس جىلعى تاجىريبەدەن نە ۇقتىق؟
الەمدىك كوشباسشىلار قاتارىندا شۆەيتساريا, جاڭا زەلانديا جانە پورتۋگاليا تۇر. ايتا كەتەرلىك جايت, گاننا (75-ورىن) مەن گوندۋراس (63-ورىن) سياقتى ەلدەر قازاقستاننان ءبىرشاما جوعارى ساتىعا جايعاسقان.
زەينەتاقى تولەمى كەشىكپەۋى ءۇشىن نە ىستەۋ قاجەت؟
بىرىڭعاي جيناقتاۋشى زەينەتاقى قورىنىڭ (بجزق) مالىمەتتەرىنە سۇيەنسەك, ەلىمىزدە زەينەتاقى الۋشىلاردىڭ سانى 1,52 ملن-عا جەتكەن.