كۋبا ىشكى ىستەر مينيسترلىگىنىڭ مالىمەتىنشە, فلوريدا شتاتىندا تىركەلگەن كەمە مەملەكەتتىك شەكارانى زاڭسىز كەسىپ ءوتىپ, شەكاراشىلارعا وق اتقان, دەپ حابارلايدى Egemen.kz.
وقيعا كايو-فالكونەس اۋدانىندا, ەل-پينو كانالىنىڭ سولتۇستىك-شىعىسىنا جاقىن اۋماقتا بولعان. كۋبا جاعالاۋ كۇزەتى كاتەردەگى ادامداردى انىقتاۋعا ارەكەتتەنگەن كەزدە قارسى تاراپ وق جاۋدىرعان. شەكاراشىلار جاۋاپ رەتىندە قارۋ قولدانعان.
مەملەكەت باسشىسى كۋبا پرەزيدەنتىنە قۇتتىقتاۋ جەدەلحاتىن جولدادى
قاقتىعىس سالدارىنان كاتەر بورتىنداعى ءتورت ادام قازا تاپتى, تاعى التاۋى جارالانىپ, ۇستالدى. كۋبا تاراپىنان شەكارا كەمەسىنىڭ كاپيتانى جاراقات العان. جالپى كاتەردە ون قارۋلى ادام بولعان.
ارنايى وپەراتسيا بارىسىندا شابۋىل جاساعانداردان شتۋرمدىق ۆينتوۆكالار, تاپانشالار, «مولوتوۆ كوكتەيلدەرى», وق وتپەيتىن كەۋدەشەلەر جانە وپتيكالىق كوزدەۋلەر تاركىلەندى. ۆەدومستۆونىڭ حابارلاۋىنشا, ۇستالعانداردىڭ باسىم بولىگى بۇرىنعى قىلمىسكەرلەر, ال ەكەۋى بۇعان دەيىن ىزدەۋدە بولعان. ولاردىڭ بارلىعى اقش-تا تۇراتىن كۋبا ازاماتتارى.
اقش-تىڭ مەملەكەتتىك حاتشىسى ماركو رۋبيو بۇل وقيعا اقش ۇكىمەتىنىڭ وپەراتسياسى بولماعانىن جانە اكىمشىلىك وكىلدەرىنىڭ قاتىسى جوق ەكەنىن مالىمدەدى. ونىڭ ايتۋىنشا, ۆاشينگتون ءوز تاراپىنان تەرگەۋ جۇرگىزىپ, قورىتىندىسى بويىنشا ءتيىستى شارالار قابىلدايدى.
مەكسيكادا اتىشۋلى قىلمىستىق توپتىڭ جەتەكشىسىنىڭ قازاسىنان كەيىن جاپپاي تارتىپسىزدىك باستالدى