سىبايلاس جەمقورلىق – كەز كەلگەن مەملەكەتتىڭ دامۋىنا كەدەرگى كەلتىرەتىن ەڭ قاۋىپتى الەۋمەتتىك دەرتتەردىڭ ءبىرى. ول قوعامداعى ادىلدىك قاعيدالارىن بۇزىپ, زاڭ ۇستەمدىگىنە نۇقسان كەلتىرەدى, حالىقتىڭ بيلىككە دەگەن سەنىمىن تومەندەتەدى. سوندىقتان سىبايلاس جەمقورلىققا قارسى كۇرەس – تەك مەملەكەتتىك ورگانداردىڭ عانا ەمەس, بۇكىل قوعامنىڭ ورتاق مىندەتى.
سىبايلاس جەمقورلىق ەكونوميكالىق ءوسۋدى باياۋلاتادى, ينۆەستيتسيا تارتۋعا كەدەرگى جاسايدى جانە الەۋمەتتىك تەڭسىزدىكتى كۇشەيتەدى. مىسالى, ءبىلىم بەرۋ نەمەسە دەنساۋلىق ساقتاۋ سالالارىنداعى جەمقورلىق حالىقتىڭ ءومىر ساپاسىنا تىكەلەي اسەر ەتەدى. سونىمەن قاتار, ول جاستاردىڭ بولاشاققا دەگەن سەنىمىن ازايتىپ, ادال ەڭبەككە دەگەن ىنتاسىن تومەندەتەدى.
قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى ەلىمىزدە جەمقورلىقتىڭ الدىن الۋ, انىقتاۋ جانە جولىن كەسۋ باعىتىندا جۇيەلى جۇمىستار جۇرگىزەدى. اگەنتتىك حالىقپەن كەرى بايلانىس ورناتىپ, الدىن الۋ شارالارىنا باسىمدىق بەرەدى. سونىمەن قاتار, مەملەكەتتىك قىزمەتتەردىڭ اشىقتىعىن ارتتىرۋ, تسيفرلاندىرۋ ۇدەرىستەرىن ەنگىزۋ ارقىلى تاۋەكەلدەردى ازايتۋعا كۇش سالىنىپ كەلەدى.
قازاقستاندا سىبايلاس جەمقورلىققا قارسى زاڭنامالار جەتىلدىرىلىپ, مەملەكەتتىك قىزمەتشىلەردىڭ جاۋاپكەرشىلىگى كۇشەيتىلدى. «ادالدىق الاڭى», «سانالى ۇرپاق» سياقتى جوبالار ارقىلى جاستار اراسىندا ادالدىق قۇندىلىقتارىن قالىپتاستىرۋ كوزدەلگەن.
جەمقورلىقپەن كۇرەستە ءاربىر ازاماتتىڭ بەلسەندىلىگى ماڭىزدى. ەگەر قوعام ادىلەتسىزدىككە توزبەۋشىلىك تانىتسا, زاڭ بۇزۋشىلىقتاردى حابارلاپ وتىرسا, بۇل ىندەتتىڭ الدىن الۋعا بولادى. ادالدىق, ادىلدىك جانە جاۋاپكەرشىلىك – وركەنيەتتى قوعامنىڭ باستى قاعيدالارى.
سىبايلاس جەمقورلىققا قارسى كۇرەس – ۇزاق ءارى جۇيەلى ۇدەرىس. ول ءۇشىن مەملەكەت پەن قوعام بىرلەسە ارەكەت ەتۋى ءتيىس. ءاربىر ازامات زاڭدى قۇرمەتتەپ, پارا بەرۋدەن دە, الۋدان دا باس تارتسا, ادىلەتتى ءارى دامىعان مەملەكەت قۇرۋعا تولىق مۇمكىندىك بار. ادال قوعام – جارقىن بولاشاقتىڭ نەگىزى.
سەرىك اسيلبەكوۆ,
قر سوت اكىمشىلىگى اسكەري سوتى دەپارتامەنتىنىڭ
ىشكى قاۋىپسىزدىك ءبولىمىنىڭ باسشىسى