قاراعاندى وبلىسىندا رەسپۋبليكالىق ماڭىزى بار قاراعاندى – جەزقازعان اۆتوجولى بويىنشا رەكونسترۋكتسيالاۋ جۇمىستارى ناۋرىز ايىنىڭ ورتاسىندا باستالماق. بۇل تۋرالى وڭىردەگى جول ينفراقۇرىلىمىن دامىتۋ جونىندەگى جۇيەلى جوسپار اياسىندا ءمالىم ەتىلدى, دەپ حابارلايدى Egemen.kz.
جوبانىڭ نەگىزگى ماقساتى – جول قوزعالىسىنىڭ قاۋىپسىزدىگىن ارتتىرىپ, وڭىرلىك جانە رەسپۋبليكالىق كولىك جۇيەسىنىڭ تيىمدىلىگىن جاقسارتۋ. رەكونسترۋكتسيا جۇمىستارى بارىسىندا اۋەلى قاۋىپسىزدىك تالاپتارى كۇشەيتىلىپ, جول ساپاسى حالىقارالىق ستاندارتتارعا ساي جاڭارتىلادى.
نەگىزگى جوبا باعىتتارى:
قاراعاندى – جەزقازعان تراسساسى بويىنشا نەگىزگى ۋچاسكەلەردى قالپىنا كەلتىرۋ جانە ورتاشا جوندەۋ جۇمىستارىن جۇرگىزۋ;
جالپى ۇزىندىعى 200 شاقىرىمعا دەيىن ورتاشا جوندەۋ جۇمىستارى جۇزەگە اسىرىلادى;
ءبىر جول وتكەلى مەن ەكى كوپىرگە كۇردەلى جوندەۋ جۇمىستارى جوسپارلانعان;
جول بەلدەۋلەرىنە قوزعالىس قاۋىپسىزدىگىن ارتتىرۋ ءۇشىن توگىلمەلى قورشاۋلار, جاياۋ جۇرگىنشىلەر وتكەلدەرى مەن جارىقتاندىرۋ جۇيەلەرى ورناتىلادى.
بيىل اقتوبە وبلىسىندا 464 شاقىرىمنان استام جول جوندەۋدەن ءوتىپ, جاڭارتىلادى
جول ينفراقۇرىلىمىن دامىتۋ اياسىندا مەردىگەر ۇيىمدار تەحنيكامەن جانە قاجەتتى ماتەريالدارمەن قامتىلدى. قۇرىلىس جۇمىستارى ماۋسىمدىق قولايسىز اۋا رايى جاعدايلارىن ەسكەرىپ, ۋاقىتىلى جانە ساپالى اياقتالۋىنا ەرەكشە كوڭىل بولىنەدى.
قاراعاندى وبلىسىنىڭ اكىمى ەرماعانبەت بولەكپاەۆ جول ينفراقۇرىلىمىن جاڭارتۋ جانە قولدانىسقا بەرۋ ساپاسىن قاتاڭ باقىلاۋدا ۇستاۋدى تاپسىردى. بارلىق نىساندار تەك جول ساپاسى مەن قاۋىپسىزدىك تالاپتارىنىڭ وڭ قورىتىندىسىن بەرگەننەن كەيىن عانا پايدالانۋعا بەرىلەدى.
بۇگىن ەلىمىزدە قاي جولدار جابىق تۇر؟
بۇل جوبا ءوڭىر تۇرعىندارى ءۇشىن كولىك قۋاتىن ارتتىرىپ, ازاماتتاردى قاۋىپسىز ءارى جايلى ساپارعا مۇمكىندىك تۋعىزادى.
قاراعاندى وبلىسىندا 800-دەن استام كولىك قار قۇرساۋىندا قالىپ قويدى