جالپىۇلتتىق كواليتسيا قىزمەتى اياسىندا الەۋمەتتىك جەلىلەردە پايدالانۋشىلاردىڭ اۆاتارلارىنا تاقىرىپتىق رامكا ورناتۋ باستاماسى جۇزەگە اسىرىلىپ جاتىر, دەپ جازادى Egemen.kz.
بۇگىندە 15 ناۋرىزعا بەلگىلەنگەن جالپىۇلتتىق رەفەرەندۋم قارساڭىندا ءوز ازاماتتىق ۇستانىمىن جاريا تۇردە ءبىلدىرىپ, اكتسياعا 88 مىڭنان استام ادام قوسىلدى.
Twibbonize.com اشىق پلاتفورماسىندا ارنايى «referendum2026» تۆيببونى جۇكتەلدى. بىرنەشە كۇن ىشىندە ءوسۋ قارقىنى بويىنشا ول توپ-1 قاتارىنا كىرىپ, سەرۆيستەگى ەڭ كوپ قولدانىلعان تۆيببونعا اينالدى. سونداي-اق پلاتفورمادا باسقا دا باستاماشىلىق اكتسيالار ورنالاستىرىلعان. قازىرگى ۋاقىتتا قولداۋشىلاردىڭ جالپى سانى 88 مىڭ ادامعا جەتتى. جاڭا كونستيتۋتسيا جوباسىن قولدايتىن ازاماتتار سانى كۇن سايىن ارتىپ كەلەدى.
ونلاين-بەلسەندىلىككە تانىمال قازاقستاندىقتار دا اكتسياعا قوسىلدى: بليتس-شاحماتتان الەم چەمپيونى ءبيبىسارا اساۋباەۆا, سيدنەي وليمپياداسىنىڭ جۇلدەگەرى مۇحتارحان دىلدابەكوۆ, بوكستان قازاقستاننىڭ ءۇش دۇركىن چەمپيونى ۆاسيلي لەۆيت, ەڭبەك سىڭىرگەن ونەر قايراتكەرى قاراكوز سۇلەيمەنوۆا, مۋزىكانت اباي بەگەي, پروديۋسەر رەنات باسيت, «دەرۆيشي» توبىنىڭ ءسوليسى ديلمۋرات باحاروۆ, حالىق ءارتىسى تۇڭعىشباي جامانقۇلوۆ, اكتەر ەربولات تولەگەن جانە باسقا دا كوپتەگەن تۇلعالار.
جاڭا كونستيتۋتسيا جوباسىندا ادۆوكاتۋرا مارتەبەسىنىڭ بەكىتىلۋى قانداي ماڭىزعا يە؟
بۇل باستاما قازاقستاننىڭ ءار وڭىرىندەگى پايدالانۋشىلاردى بىرىكتىرىپ, ازاماتتاردىڭ ەل بولاشاعىن تالقىلاۋعا قاتىسۋىنىڭ جوعارى دەڭگەيىن كورسەتە وتىرىپ, قوعامدا ەرەكشە نازار اۋدارتقان تسيفرلىق فورماتتاردىڭ بىرىنە اينالدى.
ازاماتتاردىڭ 78%-دان استامى جاڭا كونستيتۋتسيانى قولدايدى