اتىراۋ. 13 مامىر. اتىراۋ قالاسىندا ارباعا تاڭىلعان مۇگەدەكتەردىڭ ءمىنىپ-تۇسۋىنە ىڭعايلى جولاۋشى اۆتوبۋستارى جۇرە باستادى. بۇل تۋرالى egemen.kz ءتىلشىسى حابارلادى.
مۇمكىندىگى شەكتەۋلى جاندار ءۇشىن ىڭعايلى اۆتوبۋستار قالا بويىنشا №10, 12, 14 جانە 30 باعىتتاردا قاتىنايدى. جاقىندا جولاۋشىلار تاسىمالداۋمەن اينالىساتىن «ايسترانسحولدينگ» سەرىكتەستىگى جاپونيانىڭ ISUZU ماركىلى 14 اۆتوبۋسىن ساتىپ الدى. ونىڭ ىشىندە مۇمكىندىگى شەكتەۋلى جانداردىڭ مىنۋىنە جانە تۇسۋىنە قولايلى بەسەۋى جاسىل تۇسكە بويالدى.
اتالعان سەرىكتەستىك جىل اياعىنا دەيىن تاعى دا 30 اۆتوبۋستى ساتىپ الۋدى جوسپارلاپ وتىر.
جولداسبەك شوپەعۇل.
دەرەك: egemen.kz.
سۋرەت: راحىم قويلىباەۆ.