اتىراۋدا بۇرناعى كۇنى باستالىپ, تولاسسىز جاۋعان جاڭبىردىڭ سوڭى نوسەرگە ۇلاستى. تابيعاتتىڭ بۇل توسىن مىنەزى كەشە جۇرتشىلىقتى ابدەن ابىگەرگە سالدى. قالاداعى كەيبىر ۇيلەردە ەلەكتر جارىعى ءوشىپ, تۇسكە دەيىن قوسىلعان جوق. مەكتەپتەردەگى ساباق ۋاقىتىنان ەرتە تاراتىلدى. ال قالا كوشەلەرى سۋعا تولىپ, كولىكتەر ءجۇزىپ جۇرگەندەي اسەر قالدىردى.
توتەنشە جاعدايلار دەپارتامەنتى تاراتقان مالىمەتكە قاراعاندا, 11 مامىردا باستالعان نوسەر جاۋىنمەن بىرگە ۇيىتقي سوققان جەل جىلدامدىعى 15-20 مەتر سەكۋندقا جەتكەن. نوسەر جاۋىننان جەكە سەكتورداعى 12 ۇيگە سۋعا كەتۋ قاۋىپ تونگەن. بۇل دەرەك ءالى دە انىقتالۋ ۇستىندە. جيناقتالعان جاڭبىر سۋىن سورىپ ازايتۋعا ارناۋلى كولىكتەر تارتىلۋدا. جەكە سەكتورداعى 12 ۇيدەن 35 ادام قاۋىپسىز جەرگە كوشىرىلدى.
جولداسبەك شوپەعۇل,
«ەگەمەن قازاقستان».
اتىراۋ.
سۋرەتتى تۇسىرگەن راحىم قويلىباەۆ.