استانا قالاسىندا ناۋرىز ايىندا ورتاشا اۋا تەمپەراتۋراسى شامامەن -5 گرادۋس بولادى دەپ بولجانىپ وتىر. «قازگيدرومەت» مالىمەتىنشە, بۇل كليماتتىق نورمادان ءبىر گرادۋسقا جوعارى, دەپ جازادى Egemen.kz.
ايدىڭ العاشقى ونكۇندىگىندە تۇنگى ۋاقىتتا اۋا تەمپەراتۋراسى -19, -24 گرادۋستان -8, -13 گرادۋسقا دەيىن جىلىنادى, ال كۇندىز -4, -9 گرادۋستان -3, +2 گرادۋسقا دەيىن كوتەرىلەدى. ودان كەيىن تەمپەراتۋرا قايتا تومەندەپ, تۇندە -13, -18, كۇندىز -3, -8 گرادۋسقا دەيىن تۇسەدى.
بىرقاتار وبلىستا اۋا رايىنا بايلانىستى ەسكەرتۋ جاريالاندى
10-20 ناۋرىز ارالىعىندا بىرتىندەپ اۋا تەمپەراتۋراسى جىلىنا باستايدى. تۇندە -13, -18 گرادۋستان 0, -5 گرادۋسقا دەيىن, كۇندىز -3, -8 گرادۋستان +5, +10 گرادۋسقا دەيىن جوعارىلايدى.
سينوپتيكتەر اي سوڭىنا دەيىن اۋا رايىنىڭ قۇبىلمالى بولاتىنىن بولجاپ وتىر. تۇندە 0, -5 پەن -8, -13 گرادۋس ارالىعىندا, كۇندىز +5, +10 مەن -3, +2 گرادۋس ارالىعىندا اۋىتقيدى.
بولجامدار ناقتىلانا تۇسپەك: «قازگيدرومەت» سۋپەركومپيۋتەردى پايدالانا باستادى
ناۋرىز ايىندا جاۋىن-شاشىن مولشەرى شامامەن نورماعا ساي بولادى – 20 مم. اي ىشىندە قار, بۇرقاسىن, قار ارالاس جاۋىن-شاشىن جانە كوكتايعاق كۇتىلەدى. جەل ەكپىنى ءجيى سەكۋندىنا 15-20 مەترگە دەيىن جەتەدى.