اتىراۋدا ەكى ستاديون بار. ونىڭ ءبىرى – «مۇنايشى» ستاديونىندا كۇردەلى جوندەۋ جۇرگىزىلەدى. ال «سۋدرەمونتنيك» ستاديونى پرەمەر-ليگا ويىندارىن وتكىزۋ تالابىنا سايكەس ەمەس, دەپ حابارلايدى Egemen.kz.
«اتىراۋ» فۋتبول كلۋبىنىڭ ديرەكتورى قۋاندىق جاقياليەۆتىڭ ايتۋىنشا, كوماندا بەلگىلى ءبىر سەبەپپەن قارسىلاستارىن جەرگىلىكتى ستاديوندا قابىلداي المايدى.
«پرەمەر-ليگا ويىندارىن وتكىزۋ ءۇشىن ستاديوندا 3 مىڭ ورىن, جارىق بولۋى قاجەت. باسقا دا تالاپتار بار. وسىعان بايلانىستى «مۇنايشى» ستاديونىندا كۇردەلى جوندەۋ جۇمىسىن باستاۋ كوزدەلىپ وتىر. ال «سۋدرەمونتنيك» ستاديونى جاتتىعۋ وتكىزەتىن ورىن رەتىندە سالىنعان. بۇل ستاديون پرەمەر-ليگا ويىندارىن وتكىزۋ تالابىنا سايكەس بولماي تۇر. اتالعان ستاديوندى دا تالاپقا سيكەستەندىرۋ ءۇشىن جۇمىستارى قولعا الىنادى. وسىعان وراي «اتىراۋ» كلۋبىنىڭ قارسىلاس كوماندالارمەن الداعى ەكى-ءۇش ايداعى ويىندارىن تۇركىستان قالاسىندا وتكىزۋگە شەشىم قابىلداندى», دەيدى قۋاندىق جاقياليەۆ.
«اتىراۋ» فۋتبول كلۋبىنان ءبىر مەزەتتە 12 ويىنشى كەتەتىن بولدى
ەسكە سالا كەتەيىك, «اتىراۋ» فۋتبول كلۋبىنىڭ ساپى جاڭا لەگيونەرمەن تولىقتى. ەندى بەلارۋس قۇراماسىنىڭ ويىنشىسى ەگور حۆالكو جەرگىلىكتى كوماندانىڭ نامىسىن قورعايدى.
فۋتبولدان قازاقستان قۇراماسىنىڭ قارسىلاستارى بەلگىلى بولدى