رۋدنىي قالاسىندا «كەلەشەك مەكتەپتەرى» ۇلتتىق جوباسى اياسىندا 900 ورىنعا ارنالعان مەملەكەتتىك تىلدە وقىتاتىن №8 جالپى ءبىلىم بەرەتىن مەكتەپ ەسىگىن اشتى, دەپ جازادى Egemen.kz.
جاڭا مەكتەپتە وقۋشىلاردىڭ ساپالى ءبىلىم الۋىنا بارلىق جاعداي جاسالعان. كىشى, ورتا جانە جوعارى بۋىن ءۇشىن جەكە بلوكتار قاراستىرىلعان. حيميا, بيولوگيا, فيزيكا, ينفورماتيكا, روبوتوتەحنيكا پاندىك كابينەتتەرى, سونداي-اق STEAM-زەرتحانا وقۋشىلاردىڭ زەرتتەۋ مادەنيەتىن دامىتۋعا مۇمكىندىك بەرەدى.
«تسيفرلىق مەكتەپ» ءبىلىم جۇيەسىن قالاي وزگەرتەدى؟
وقۋ كابينەتتەرى كومپيۋتەرلىك جابدىقتارمەن, ينتەراكتيۆتى تاقتالارمەن, شەت تىلدەر كابينەتتەرى لينگافوندارمەن قامتىلعان. مەكتەپتە قاجەتتى قۇرالدارىمەن 3 سپورت زالى, حورەوگرافيا زالى, جايلى اسحانا بار. ەڭبەككە باۋلۋ شەبەرحانالارىندا ارنايى قۇرىلعىلار مەن تىگىن جابدىقتارى قويىلعان. اۋلادا وقۋشىلاردى جان-جاقتى دامىتۋ ءۇشىن قوزعالىس ويىندارى مەن دەمالۋعا ارنالعان الاڭدار بار.
مەكتەپ قوستاناي وبلىسى بويىنشا ۇلتتىق يۋنەسكو كلۋبتارى فەدەراتسياسىنىڭ وڭىرلىك ۇيلەستىرۋشىسى قىزمەتىن اتقارىپ, وسى سالادا حالىقارالىق تاجىريبە الماسۋ بويىنشا بەلسەندى جۇمىس جۇرگىزۋدى جوسپارلاپ وتىر.
مەكتەپ وقۋشىلارى جىلىجايدا زەرتتەۋ جۇرگىزەدى
«كەنشىلەر قالاسى ءۇشىن 62 جاڭا جۇمىس ورنىنىڭ اشىلۋى ماڭىزدى. ونىڭ 34-ءى پەداگوگ, ولارعا ساپالى ءبىلىم بەرۋ جانە وقۋشىلاردىڭ زياتكەرلىك, سپورتتىق جانە شىعارماشىلىق قابىلەتتەرىن دامىتۋ ءۇشىن جاسالعان قولايلى جاعدايلاردى تولىعىمەن پايدالانۋ مىندەتى قويىلىپ وتىر», دەلىنگەن قوستاناي وبلىسىنىڭ اكىمدىگى تاراتقان حابارلامادا.
ايتا كەتەيىك, ۇلتتىق جوبا اياسىندا وبلىستا 4 500 ورىندىق 6 مەكتەپ اشىلعان: ارقالىق قالاسىندا (300 ورىن), قوستاناي اۋدانىنىڭ زارەچنىي اۋىلىندا (900 ورىن), ەكى مەكتەپ قوستاناي قالاسىندا (1200 جانە 900 ورىن), اۋليەكول اۋدانىنىڭ قۇسمۇرىن اۋىلىندا (300 ورىن) جانە رۋدنىي قالاسىندا (900 ورىن).
توزىعى جەتكەن مەكتەپتەر جوندەلەدى