قازاق ۇلتتىق اگرارلىق زەرتتەۋ ۋنيۆەرسيتەتىندە اقيىق اقىن مۇقاعالي ماقاتاەۆتىڭ 95 جىلدىعىنا وراي ادەبي-سازدى كەش ءوتتى, دەپ حابارلايدى Egemen.kz.
«مۇزبالاق - جىر كەرۋەنى» تاقىرىبىمەن وتكەن ءىس-شارادا ستۋدەنت جاستار اقىننىڭ باي ادەبي مۇراسىنا شولۋ جاساپ, ولەڭىن جاتقا ايتتى. اقيىق اقىننىڭ وتانعا, تۋعان جەرگە, ومىرگە, وتباسىنا دەگەن سۇيىسپەنشىلىككە تولى جىرلارى ساحنادا جىرلاندى.
كەرۋەن ۇلگىسىندە ۇيىمداستىرىلعان سازدى كەشتە ونەرلى جاستار «KazNARU», «تۋعان جەر», «وتباسى», «عاشىق جۇرەك», ء«ومىر», «مۇقاعالي - ماڭگىلىك» اتتى بەكەتتەرگە ايالداپ, اقىن شىعارماشىلىعىنا ساياحاتتادى.
ونەرلى جاستار اقىننىڭ ءۇش باقىتىم», «وتان», «قاراساز», «بۇزىلعان ءۇي», «اكە», «ارماندا, ۇلىم», «دوس بولامىن دەسەڭ», «عاشىقپىن», «مەن سەنى ساعىنعاندا», «كۇرسىنبەشى», «جانارىم», «ەي, ءومىرىم!», «مەن تاۋلىقپىن», تاعى باسقا ليريكالىق جىرلارىن جاتقا وقىدى.
اقىننىڭ سوزدەرىنە جازىلعان «ەسىڭە مەنى العايسىڭ», «سارجايلاۋ», ء«سابي بولعىم كەلەدى», «ۇناتامىن مەن سەنى», «نەسىنە اسىعادى», «مۇزبالاق» ءانڭ كەشتىڭ كوركىن كىرگىزدى.
ۋنيۆەرسيتەتتىڭ جاستار ءىسى جونىندەگى باسقارماسىنىڭ ۇيىتقى بولۋىمەن وتكەن كەش مۇقاعالي پوەزياسىنىڭ جاستار ءۇشىن ماڭىزىن اشا تۇسكەندەي ەدى.