«جەزقازعان – پەتروپاۆل» تاسجولىندا ەكى ادام جول اپاتىنان كوز جۇمدى. جول-كولىك وقيعاسى بويىنشا پوليتسيا دەپارتامەنتى تەرگەۋدى باستادى, دەپ حابارلايدى Egemen.kz.
سولتۇستىك قازاقستان وبلىستىق پوليتسيا دەپارتامەنتىنىڭ مالىمەتىنشە, وقيعا 7 اقپاندا بولعان. Shacman ماركالى جۇك كولىگى مەن Toyota Camry جەڭىل اۆتوكولىگى سوقتىعىسقان. اپات سالدارىنان جەڭىل كولىكتىڭ جۇرگىزۋشىسى مەن جولاۋشىسى وقيعا ورنىندا قازا تاپتى.
اتالعان دەرەك بويىنشا پوليتسيا قىلمىستىق ءىس قوزعادى. قازىرگى ۋاقىتتا وقيعانىڭ بارلىق ءمان-جايى انىقتالىپ جاتىر.
استانادا سارايشىق كوپىرىندە جول اپاتى بولىپ, ەكى ادام قازا تاپتى
پوليتسيا دەپارتامەنتى جولداعى قايعىلى جاعدايلاردىڭ الدىن الۋ ءۇشىن جول قوزعالىسى ەرەجەلەرىن قاتاڭ ساقتاۋ, جول جاعدايىن ەسكەرۋ جانە كولىك قۇرالدارىنىڭ تەحنيكالىق جاعدايىن باقىلاۋ قاجەت ەكەنىن ەسكە سالدى.
ايتا كەتەيىك, بۇعان دەيىن الماتى قالاسىندا جاپپاي جول-كولىك اپاتى بولىپ, سالدارىنان اۆتوكولىك جۇرگىزۋشىسى رولدە وتىرىپ كوز جۇمعان.