ۇلىتاۋ وبلىسىندا جۇمىس ىزدەگەن ازاماتتاردىڭ سەنىمىنە كىرىپ, قالتاسىن قاققان الاياقتاردىڭ ارەكەتى اشكەرە بولدى. ءوڭىردىڭ وندىرىستىك الىبى – «قازاقمىس» كورپوراتسياسىنا جۇمىسقا ورنالاستىرامىن دەگەن جالعان ۋادەگە سەنگەن تۇرعىندار ميلليونداعان تەڭگەسىنەن ايىرىلىپ, بارماق تىستەپ قالدى, دەپ جازادى Egemen.kz.
قازىرگى تاڭدا ۇلىتاۋ وبلىسىنىڭ قۇقىق قورعاۋ ورگاندارى وسى فاكتىلەر بويىنشا 9 قىلمىستىق ءىستى تەرگەپ جاتىر. ونىڭ ىشىندە 6 ءىس سوتقا جولداندى.
125 ملن تەڭگە: تۇركىستاندا 21 ادامدى الداعان قىلمىستىق توپتىڭ ارەكەتى اشكەرەلەندى
الاياقتاردىڭ قۇرىعىنا ىلىنگەندەردىڭ جالپى ماتەريالدىق شىعىنى 16 ميلليون تەڭگەدەن اسىپ جىعىلعان.
«الاياقتار جۇمىسقا ورنالاستىرامىن دەپ الدىن الا اقشا العان. الايدا بەرگەن ۋادەلەرىن ورىنداماي, ازاماتتارعا ماتەريالدىق شىعىن كەلتىرگەن», دەپ حابارلادى ۇلىتاۋ وبلىسى پوليتسيا دەپارتامەنتىنىڭ ءباسپاسوز قىزمەتى.
ءتارتىپ ساقشىلارى كەز كەلگەن ۇيىمعا جۇمىسقا تۇرۋ تەك رەسمي تۇردە, كادر قىزمەتى ارقىلى عانا جۇزەگە اسىرىلاتىنىن قاتاڭ ەسكەرتەدى.
«كۇماندى ۇسىنىستارعا سەنبەۋگە جانە جەكە قاراجاتىڭىزدى ءۇشىنشى تۇلعالارعا بەرمەۋگە كەڭەس بەرەمىز. ەگەر الاياقتىق فاكتىلەرگە تاپ بولساڭىزدار, دەرەۋ پوليتسياعا حابارلاسىڭىزدار», دەيدى پوليتسەيلەر.
«سالىق جۇيەسىندە قايتا تىركەلۋ كەرەك»: الاياقتارعا سەنگەن اقتوبەلىك 12 ملن تەڭگەسىنەن ايىرىلدى