باتىس قازاقستان وبلىسىندا سوت وندىرىسىنە كەڭ جاريالىلىق بەرۋدى كوزدەيتىن باعدارلامانىڭ تۇساۋى كەسىلدى. بۇدان تۇرعىندار سوت ىستەرىنە قاتىستى اقپارات-انىقتامالارمەن ەگجەي-تەگجەيلى تانىسا الادى. ياعني, وبلىستىق سوتتىڭ ۆەب-سايتى ارقىلى كەز كەلگەن ادام سوت وندىرىسىنە تۇسكەن ىستەردىڭ قارالاتىن مەرزىمىن, قورىتىندى قۇجاتتار مەن ءىس قاۋلىلارىن سوتقا كەلمەي-اق ينتەرنەت جەلىسى ارقىلى تانىسىپ وتىرماق.
– اتالعان باعدارلامانىڭ بۇعان دەيىنگى تاجىريبەمەن سالىستىرا قاراعاندا ءۇش ءتۇرلى ارتىقشىلىعىن اتاپ كورسەتۋگە بولادى. بىرىنشىدەن, بۇل قاعازباستىلىقتى ازايتىپ, سوت قىزمەتكەرلەرىنىڭ جۇمىسىن اجەپتاۋىر جەڭىلدەتەدى. ەكىنشىدەن, شالعاي اۋدان تۇرعىندارى وزدەرىنە قاجەتتى اقپارات الۋ ءۇشىن تەككە جول شىعىنى مەن ازابىن تارتپايدى. ەڭ باستىسى – جاڭا باعدارلاما ارقىلى سوت ىستەرىنىڭ اشىقتىعى مەن جاريالىلىعىنا جول اشىلىپ وتىر, – دەپ مالىمدەدى گازەت تىلشىسىنە باتىس قازاقستان وبلىستىق سوتىنىڭ ءباسپاسوز حاتشىسى امانگەلدى شاحين.
سونداي-اق, وبلىستىق سوت عيماراتىنىڭ ءبىرىنشى قاباتىنا قويىلعان عالامتور بايلانىسى ارقىلى دا ازاماتتار وزدەرىنە قاجەتتى اقپاراتتاردى تابا الادى.
تەمىر قۇسايىن, ورال.