اتىراۋ وبلىسىندا ينۆەستورلارمەن جاسالعان كەلىسىمدەر اياسىندا 8 ءىرى ينۆەستيتسيالىق جوبا جۇزەگە اسىرىلىپ جاتىر. جوبالاردىڭ جالپى قۇنى 2 ملرد دوللاردان اسادى.
سونداي جوبانىڭ ءبىرى – گاز تۋربينالى ەلەكتر ستانساسى. مۇنايلى وڭىردەگى ەڭ ءىرى ەنەرگەتيكالىق جوبانىڭ قۇرىلىسىن قارجىلاندىرۋعا قىتاي ەلىنىڭ ينۆەستورى دا ۇلەس قوسىپ وتىر. «Hualin Energy LTD» كومپانياسىنىڭ كوممەرتسيا جونىندەگى ديرەكتورى ماعجان بەكمۇسانىڭ ايتۋىنشا, جوبا ەكىجاقتى ارىپتەستىك تۋرالى مەموراندۋم اياسىندا قولعا الىنعان, قۇرىلىسىن ءۇش كەزەڭمەن جۇرگىزۋ كوزدەلگەن. العاشقى كەزەڭدە قۋاتى 250 مۆت قۇرايتىن نىسان سالىنادى. نىساندى وسى جىلدىڭ سوڭىنا دەيىن اياقتاۋ جوسپارلانىپ وتىر. ال ەلەكتر ستانساسى 2029 جىلى تولىق ىسكە قوسىلادى.
ء«ىرى ەنەرگەتيكالىق جوبا وبلىس ەكونوميكاسىن دامىتۋعا ەلەۋلى سەرپىن بەرەدى. قۇرىلىس بارىسىندا 1 000-نان استام جۇمىس ورنى اشىلادى. نىسان تولىق پايدالانۋعا بەرىلگەننەن كەيىن 300-گە جۋىق تۇراقتى جۇمىس ورنى قۇرىلادى. قازىر دايىندىق جۇمىستارىنىڭ نەگىزگى بولىگى اياقتالدى. ارنايى ماماندار توپوگرافيالىق تۇسىرىلىمدەر جۇرگىزىپ, ينجەنەرلىك-ىزدەستىرۋ جۇمىستارىن ورىندادى. وبلىس اكىمدىگى جان-جاقتى قولداۋ كورسەتىپ وتىر. قۇرىلىستىڭ نەگىزگى كەزەڭى ناۋرىز ايىندا باستالادى», دەدى ماعجان بەكمۇسا.
ونىڭ پىكىرىنشە, جوبانى ىسكە اسىرۋ ءۇشىن اتىراۋداعى ەلەكتر ەنەرگياسىنا سۇرانىس زەرتتەلگەن. قازىر وڭىردە ەلەكتر ەنەرگياسىنا قاجەتتىلىك ارتىپ تۇر.
«جوبادا جاڭا تەحنولوگيالىق شەشىمدەر بار. اسىرەسە ەكولوگياعا زيان تيگىزبەۋىنە باسا ءمان بەرىلدى. ويتكەنى اۋادا جانىپ تۇراتىن گازدى زاماناۋي تەحنولوگيالاردىڭ كومەگىمەن ەلەكتر ەنەرگياسىنا اينالدىرۋعا مۇمكىندىك مول. سونىڭ ناتيجەسىندە وندىرىلەتىن ەلەكتر ەنەرگياسىنىڭ وزىندىك قۇنى قولدانىستاعى تاريفتەردەن تومەن بولادى. ءتاريفى تومەن ەنەرگيا ءوڭىردىڭ قاجەتتىلىگىن قامتاماسىز ەتۋگە, جاڭا وندىرىستىك جوبالاردى ىسكە اسىرۋعا پايدالانىلادى», دەپ ءمالىم ەتتى ول.
اتىراۋ وبلىسى