ەلوردادا وتكەن جوبالىق كەڭسەنىڭ كەزەكتى وتىرىسىندا جاڭا سالىق كودەكسىنىڭ نورمالارىن ەنگىزۋ اياسىندا دەنساۋلىق ساقتاۋ سالاسىنداعى وزەكتى تۇيتكىلدەر تالقىلاندى. كۇن تارتىبىنە ءدارى-دارمەك يمپورتىنا كەدەرگى كەلتىرىپ وتىرعان قۇقىقتىق توسقاۋىلدار مەن ومىرلىك ماڭىزى بار پرەپاراتتارعا قوسىلعان قۇن سالىعىن ەسەپتەۋ ماسەلەلەرى شىقتى, دەپ حابارلايدى Egemen.kz.
وتىرىستا ەڭ الدىمەن دارىلىك زاتتاردى ەلگە اكەلۋ كەزىندەگى جۇيەلى قيىندىقتار ءسوز بولدى. «اتامەكەن» ۇلتتىق كاسىپكەرلەر پالاتاسى توراعاسىنىڭ ورىنباسارى تيمۋر جاركەنوۆ بيزنەستىڭ بۇگىندە زاڭسىز تاپ بولعانىن اتاپ ءوتتى. ونىڭ ايتۋىنشا, كەدەن ورگاندارى مىندەتتى الەۋمەتتىك مەديتسينالىق ساقتاندىرۋ مەن تەگىن مەديتسينالىق كومەكتىڭ كەپىلدىك بەرىلگەن كولەمى اياسىندا جەتكىزىلەتىن دارىلەردى قوسا العاندا, پرەپاراتتاردىڭ نىسانالى ماقساتىن راستاۋدى تالاپ ەتە باستاعان.
«مۇنداي تاجىريبە قولدانىستاعى ەرەجەلەردى كەڭەيتە ءتۇسىندىرۋ بولىپ تابىلادى جانە اكەلىنەتىن بارلىق دارىلىك زاتتار ساناتىنا بىردەي قولدانىلمايدى», دەدى تيمۋر جاركەنوۆ.
وسىعان جاۋاپ رەتىندە مەملەكەتتىك كىرىستەر كوميتەتى توراعاسىنىڭ ورىنباسارى جانىبەك نۇرجانوۆ بارلىق دارىلىك زاتتاردى يمپورتتاۋ كەزىندە نەگىزگى تالاپتار بار ەكەنىن ءتۇسىندىردى. اتاپ ايتقاندا, فارماتسەۆتيكالىق نەمەسە مەديتسينالىق قىزمەتكە ليتسەنزيانىڭ بولۋى, مەملەكەتتىك تاپسىرىس اياسىندا جەتكىزىلەتىن پرەپاراتتار ءۇشىن ءتيىستى شارتتاردىڭ جاسالۋى جانە جەتكىزۋشىنىڭ تاۋاردى ماقساتتى پايدالانۋ جونىندەگى مىندەتتەمەلەرى قاجەت.
سونىمەن بىرگە نىسانالى ماقساتىن راستاۋ تالابى تەك دارىلىك سۋبستانتسيالار مەن وندىرىستە قولدانىلاتىن بالك-ونىمدەرگە قاتىستى ەكەنى ناقتىلاندى. ال دايىن دارىلەر ءۇشىن ستاندارتتى قۇجاتتار پاكەتى جەتكىلىكتى.
تالقىلاۋ قورىتىندىسىندا ەرەجەلەرگە وزگەرىستەر ەنگىزۋ جانە كەدەننىڭ اۋماقتىق بولىمشەلەرىنە جەدەل نۇسقاۋلىقتار جولداۋ تۋرالى شەشىم قابىلداندى.
ءدارى-دارمەكتەر مەن مەديتسينالىق قىزمەتتەردىڭ تىزبەسى ققس-تان بوساتىلدى
ققس جانە ءدارى-دارمەك قولجەتىمدىلىگىكۇن تارتىبىندەگى ەكىنشى ماڭىزدى ماسەلە – سالىقتىق جەڭىلدىكتەر. بەلگىلى بولعانداي, كەيبىر ءدارىحانالار سيرەك كەزدەسەتىن جانە الەۋمەتتىك ماڭىزى بار اۋرۋلاردى ەمدەۋگە ارنالعان پرەپاراتتاردى ساتىپ الۋدان باس تارتىپ وتىر. بۇعان جەتكىزۋشىلەردىڭ 5 جانە 16 پايىزدىق مولشەرلەمەلەردى قولدانۋى سەبەپ. زاڭ بويىنشا مۇنداي دارىلەر بارلىق وتكىزۋ كەزەڭدەرىندە قوسىلعان قۇن سالىعىنان بوساتىلۋعا ءتيىس.
«اتامەكەن» ۇكپ باستاماسىمەن بۇل ولقىلىقتى جويۋ ءۇشىن مەديتسينالىق جانە فارماتسەۆتيكالىق باقىلاۋ كوميتەتى مەملەكەتتىك كىرىستەر كوميتەتىمەن بىرلەسىپ, قىسقا مەرزىمدە ورتاق ۇستانىم ازىرلەيتىن بولدى. بۇل شەشىم جەڭىلدىككە جاتاتىن پرەپاراتتاردى قايتادان كەڭ ساۋداعا شىعارۋعا مۇمكىندىك بەرمەك.
سونداي-اق وتىرىستا باعا قالىپتاستىرۋ ءتارتىبى دە ناقتىلاندى. سالىق تولەۋشىنىڭ شەكتى باعادان تىس ققس ەسەپتەۋگە قۇقىعى رەسمي تۇردە بەكىتىلدى. سەبەبى شەكتى باعا – تەك ەڭ جوعارى رۇقسات ەتىلگەن دەڭگەي, ال ناقتى ساتۋ باعاسى سالىق زاڭناماسىنا سايكەس قالىپتاسادى.
يمپورتتالاتىن ءدارى-دارمەك شيكىزاتى سالىقتان بوساتىلادى
بيزنەستىڭ بەيىمدەلۋى جالعاسىپ جاتىرجاڭا نورمالارعا بەيىمدەلۋ ۇدەرىسى ءالى دە ءجۇرىپ جاتىر. سوڭعى اپتادا ۋاكىلەتتى ورگاندارعا 16,1 مىڭ ءوتىنىش تۇسكەن. بۇل كورسەتكىش جوعارى بولعانىمەن, وڭ ديناميكا بايقالادى: الدىڭعى كەزەڭمەن سالىستىرعاندا سۇراقتار سانى 3,4 مىڭعا ازايعان. وتىنىشتەردىڭ باسىم بولىگى اكىمشىلەندىرۋ ماسەلەلەرىنە قاتىستى.
وتىرىستا قارالعان بارلىق كەيستەر جۋىردا رەسمي رەسۋرستاردا تۇسىندىرمە رەتىندە جاريالانىپ, كاسىپكەرلەرگە ناقتى باعىت-باعدار بەرىلمەك.
مينيسترلىك ءدارى-دارمەك ساۋداسىنا قاتىستى جاعىمدى جاڭالىق جاريالادى