استانادا قوعامدىق ورىندارداعى قاۋىپسىزدىكتى كۇشەيتۋ ماقساتىندا روبوت-يتتەر پاترۋلدىك باقىلاۋعا ەنگىزىلدى. جوبا اياسىندا جاڭا تەحنولوگيالار ءىرى ساۋدا ويىن-ساۋىق ورتالىقتارى مەن كولىك ينفراقۇرىلىمى نىساندارىندا قولدانىلىپ جاتىر.
روبوت-يتتەر بەلگىلەنگەن اۋماقتى اۆتونومدى تۇردە ارالاپ, بەينەاقپاراتتى ءدال سول ۋاقىتتا باسقارۋ ورتالىعىنا جىبەرەدى. باقىلاۋ بارىسىندا كۇدىكتى جاعدايلار نەمەسە ءتارتىپ بۇزۋ بەلگىلەرى انىقتالسا, شۇعىل ارەكەت ەتۋ شارالارى قابىلدانادى. مامانداردىڭ ايتۋىنشا, روبوتتاندىرىلعان پاترۋل جۇيەسى ۇزدىكسىز باقىلاۋدى قامتاماسىز ەتەدى جانە قاۋىپسىزدىك قىزمەتكەرلەرىنىڭ جۇكتەمەسىن ازايتادى. سونىمەن قاتار تسيفرلىق شەشىمدەر قۇقىقبۇزۋشىلىقتىڭ الدىن الۋعا جانە قوعامدىق ءتارتىپتى ساقتاۋدىڭ تيىمدىلىگىن ارتتىرۋعا مۇمكىندىك بەرەدى. قازىرگى تاڭدا جوبا قانانتقاقتى رەجىمدە جۇزەگە اسىرىلىپ جاتىر.