توقاەۆ پاكىستانعا باردى: جويعىش ۇشاقتار پرەزيدەنت ۇشاعىمەن قاتارلاسىپ ۇشتى

پاكىستاننىڭ شەكاراسىنا ەنگەننەن باستاپ اسكەري اۋە كۇشتەرىنىڭ ۇشاقتارى قازاقستان پرەزيدەنتى مىنگەن بورتپەن قاپتالداسىپ ۇشتى. ەل استاناسى – يسلامابادتا قاسىم-جومارت توقاەۆ قۇرمەتىنە پلاكاتتار ءىلىنىپ, سالتاناتتى شەرۋ ۇيىمداستىرىلدى. بۇل قازاقستان پرەزيدەنتىنە كورسەتىلگەن عيزات-قۇرمەت.   ساپار اياسىندا مەملەكەت باسشىسى قاسىم-جومارت توقاەۆ پرەمەر-مينيستر شاحباز شاريفپەن جانە پرەزيدەنت اسيف الي زارداريمەن كەلىسسوزدەر جۇرگىزىپ, ساياسي, ساۋدا-ەكونوميكالىق جانە مادەني-گۋمانيتارلىق ىنتىماقتاستىقتى نىعايتۋ مۇمكىندىگىن تالقىلايدى.   سونىمەن قاتار قازاقستان − پاكىستان بيزنەس فورۋمىنا قاتىسۋ جوسپاردا بار.