ەلوردا تۇرعىنى TikTok الەۋمەتتىك جەلىسىندە ءوزىن «ەمشى» رەتىندە تانىستىرىپ, ەكستراسەنسورلىق قابىلەتتەرى ارقىلى ەمدەۋ قىزمەتتەرىن ۇسىنعان اككاۋنت اشقان. بۇل تۋرالى قالا پروكۋراتۋراسى ءمالىم قىلدى, دەپ حابارلايدى Egemen.kz.
الەۋمەتتىك جەلىلەر ارقىلى جابىرلەنۋشىلەردىڭ ءبىرىنىڭ دەنساۋلىعىنا قاتىستى ماسەلەلەرى بار ەكەنىن بىلگەن ول, ءوزىن ەرەكشە قابىلەتتەرگە يە تۇلعا رەتىندە كورسەتىپ, بەلگىلى ءبىر اقىعا «ەمدەۋ» قىزمەتىن كورسەتە الاتىنىنا سەندىرگەن.
«وسىلايشا, كىنالى 3 جابىرلەنۋشىدەن جالپى سوماسى 5,5 ملن تەڭگەدەن اساتىن اقشالاي قاراجاتتى الاياقتىق جولمەن يەمدەنىپ, ونى بۋكمەكەرلىك كەڭسەلەردە ءباس قويۋعا جۇمساعان», دەلىنگەن استانا قالاسى پروكۋراتۋراسىنىڭ حابارلاماسىندا.
بال اشىپ بايىعاندار كوپ
مەملەكەتتىك ايىپتاۋشى سوتتا سوتتالۋشىنىڭ كىناسىن دالەلدەيتىن بارلىق دالەلدەمەلەردى ۇسىنعان. سوتتا ايىپتالۋشى كىناسىن تولىق مويىنداپ, كەلتىرىلگەن زالالدى ءىشىنارا وتەگەن.
سوت ۇكىمىمەن كىنالى ادام 2 جىل 4 اي مەرزىمگە باس بوستاندىعىنان ايىرۋ جازاسىنا سوتتالدى. ۇكىم زاڭدى كۇشىنە ەندى.
تاجىكستاندا بالگەرگە بارعاندارعا ايىپپۇل سالىنادى