2026 جىلعى 1 اقپاننان باستاپ ەلىمىزدەگى 18-24 جاس ارالىعىنداعى ەر ازاماتتار اسكەري وقۋ ورىندارىنا وتىنىشتەرىن eGov.kz پورتالىندا ونلاين رەجيمدە قالدىرا الادى, دەپ حابارلايدى Egemen.kz.
قورعانىس مينيسترلىگى اسكەري وقۋ ورىندارىنا قۇجاتتار تاپسىرۋدىڭ تسيفرلىق مەحانيزمىن ەنگىزدى.
ء«وتىنىش بەرۋ ءۇشىن eGov.kz پورتالىندا اۆتوريزاتسيادان ءوتىپ, «ازاماتتارعا» – «اسكەري ەسەپ جانە قاۋىپسىزدىك» – «اسكەري قىزمەت» بولىمدەرىنە كىرۋ قاجەت. سودان كەيىن «اسكەري وقۋ ورىندارىنا قابىلداۋ وتىنىشتەرىن بەرۋ» قىزمەتىن تاڭداپ, ەلەكتروندىق فورمانى تولتىرۋ كەرەك. ۇمىتكەر نەگىزگى مالىمەتتەردى كورسەتىپ, وقۋ ورنىن تاڭداپ, جەكە دەرەكتەردى وڭدەۋگە كەلىسىم بەرەدى جانە ءوتىنىشتى قول قويۋدىڭ قولجەتىمدى تاسىلدەرىنىڭ ءبىرى ارقىلى راستايدى», دەپ ءتۇسىندىردى مينيسترلىك.
ءوتىنىش بەرۋشى تۋرالى اقپارات اۆتوماتتى تۇردە تەكسەرىلەدى. جۇيە پسيحونەۆرولوگيالىق, ناركولوگيالىق جانە تۋبەركۋلەز ديسپانسەرلەرىنەن, سونداي-اق سوتتىلىعى مەن مۇگەدەكتىك مارتەبەسى تۋرالى دەرەكتەردى سۇرايدى. جەكە كۋالىكتەر, ءبىلىم تۋرالى مالىمەتتەر جانە ۇبت ناتيجەلەرى مەملەكەتتىك اقپاراتتىق جۇيەلەردەن ۇمىتكەردىڭ قاتىسۋىنسىز الىنادى.
ءوتىنىشتىڭ قارالۋ ناتيجەسى پايدالانۋشىنىڭ جەكە كابينەتىندە «قىزمەت الۋ تاريحى» بولىمىندە كورسەتىلەدى. قابىلدانعان جاعدايدا وكىلەتتى تۇلعانىڭ تسيفرلىق قولىمەن راستالعان ەلەكتروندىق قۇجات بەرىلەدى; باس تارتۋ جاعدايىندا نەگىزدەلگەن حابارلاما جىبەرىلەدى.
«ارميا انالار كوزىمەن»: اسكەري بولىمدەردە اشىق ەسىك كۇنى ءوتتى
قۇجاتتاردى ونلاين تاپسىرۋدىڭ جاڭا فورماتى قابىلداۋ پروتسەسىن قولجەتىمدى ءارى اشىق ەتەدى. اسكەري وقۋ ورىندارىندا ءبىلىم بەرۋ باكالاۆريات باعدارلامالارى بويىنشا تەگىن جۇزەگە اسىرىلادى جانە جۇمىسقا ورنالاستىرۋ كەپىلدىگى قاراستىرىلعان. وقۋ اياقتالعاننان كەيىن ينستيتۋت تۇلەكتەرىنە «لەيتەنانت», ال كوللەدج تۇلەكتەرىنە «سەرجانت» اسكەري اتاعى بەرىلەدى.
اسكەري قىزمەتشىلەر مەن وتباسى مۇشەلەرى پويىزبەن تەگىن قاتىنايدى
بۇرىن قۇجاتتار جەرگىلىكتى اسكەري باسقارۋ ورگاندارى ارقىلى راسىمدەلىپ, مەديتسينالىق كوميسسيادان ءوتىپ, ۆەدومستۆولارعا جەكە بارۋدى تالاپ ەتەتىن. قازىرگى تاڭدا نەگىزگى راسىمدەر اۆتوماتتاندىرىلعان.
قورعانىس مينيسترلىگىنىڭ ءبىلىم بەرۋ جۇيەسىندە وفيتسەرلەردى دايارلايتىن قۇرلىق اسكەرلەرىنىڭ اسكەري ينستيتۋتى (الماتى), اۋە قورعانىسى كۇشتەرىنىڭ اسكەري ينستيتۋتى (اقتوبە), راديوەلەكترونيكا جانە بايلانىس اسكەري-ينجەنەرلىك ينستيتۋتى (الماتى) سەكىلدى ءۇش جوعارى وقۋ ورنى, سونداي-اق سەرجانتتار قۇرامىن دايارلايتىن بەس اسكەري كوللەدج بار.
ايتا كەتەيىك, وتىنىشتەردى قابىلداۋ 2026 جىلعى 1 ماۋسىمعا دەيىن جالعاسادى.
قازاقستاندا اسكەري ەسەپكە الۋ ەرەجەلەرىنە وزگەرىستەر ەنگىزىلدى