جەرگىلىكتى پوليتسەيلەر بىلتىر ادام ساۋداسىمەن بايلانىستى 21 دەرەكتىڭ تىركەلگەنىنە الاڭداۋشىلىق ءبىلدىرىپ وتىر, دەپ حابارلايدى Egemen.kz.
اتىراۋ وبلىستىق پوليتسيا دەپارتامەنتىنىڭ ءباسپاسوز قىزمەتىنەن ءمالىم ەتكەندەي, ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ادام ساۋداسىمەن بايلانىستى قىلمىستاردىڭ جولىن كەسۋ, انىقتاۋ, قوعامعا تونەتىن قاۋىپ-قاتەرىن ازايتۋ باعىتىنداعى جۇمىستى جانداندىردى.
جاڭا تۋعان نارەستەلەردى ساتپاق بولعان: مينيسترلىك ادام ساۋداسىنا قاتىستى 39 فاكتىنى انىقتادى
«بىلتىر وبلىس اۋماعىندا ادام ساۋداسىنا قاتىستى 21 قىلمىستىق قۇقىق بۇزۋشىلىق تىركەلدى. ونىڭ ىشىندە ۇيىمداسقان توپ نەمەسە قىلمىستىق ۇيىم قۇرۋ, باسشىلىق ەتۋ, قىلمىستىق توپقا قاتىسۋ, جەزوكشەلىكپەن اينالىسۋعا ارنالعان پريتوندار ۇيىمداستىرۋ دەرەكتەرى بار. وسىعان بايلانىستى «ستوپ ترافيك» جەدەل-پروفيلاكتيكالىق ءىس-شاراسى وتكىزىلىپ, جەزوكشەلىكپەن اينالىساتىن, جەڭگەتايلىق قىزمەتپەن شۇعىلداناتىن, ءداستۇرلى ەمەس سەكسۋالدىق باعىتتاعى ادامدار انىقتالىپ, پوليتسيا ورگاندارىنا جەتكىزىلدى. ولارعا زاڭ تالاپتارى, قۇقىق بۇزۋشىلىقتىڭ سالدارى مەن الەۋمەتتىك قاۋپى ءتۇسىندىرىلدى», دەپ حابارلادى دەپارتامەنتتىڭ ءباسپاسوز قىزمەتى.
قىزىلوردادا جىل باسىنان بەرى ادام ساۋداسىنا قاتىستى 6 ءىس تىركەلگەن