بۇگىن مەملەكەت باسشىسى قاسىم-جومارت توقاەۆ ۆولونتەرلەر فورۋمىندا ءسوز سويلەپ, ۆولونتەردىڭ تسيفرلى پاسپورتىن جاساۋ تۋرالى باستاماعا قولداۋ ءبىلدىردى, دەپ حابارلايدى Egemen.kz.
مەملەكەت باسشىسى ءوز سوزىندە ەلىمىزدىڭ تسيفرلى دامۋ باعىتىن اتاپ ءوتىپ, ۆولونتەرلىك قىزمەتتە جاڭا تەحنولوگيالاردى پايدالانۋدىڭ ماڭىزدىلىعىن قاداپ ايتتى.
«ۆولونتەرلىك قىزمەتتە جاڭا تەحنولوگيالاردى كەڭىنەن پايدالانۋ كەرەك. مەن جولداۋىمدا قازاقستان ءۇش جىل ىشىندە تولىق تسيفرلى ەل بولۋعا ءتيىس دەگەن مىندەت قويدىم. سوعان سايكەس ناقتى جۇمىس ىستەلىپ جاتىر. ەل ءومىرىنىڭ بارلىق سالاسىنا وزىق تەحنولوگيا تاسىلدەرى, اسىرەسە, جاساندى ينتەللەكت جۇيەسى ەنگىزىلە باستادى. ەرىكتىلەر قوزعالىسى دا بۇل جۇمىستان شەت قالماۋى كەرەك. مەن ۆولونتەردىڭ تسيفرلى پاسپورتىن جاساۋ تۋرالى ۇسىنىستى تولىق قولدايمىن», دەدى قاسىم-جومارت توقاەۆ.
بۇگىن مەملەكەت باسشىسى قاسىم-جومارت توقاەۆ ۆولونتەرلەر فورۋمىندا ءسوز سويلەدى. پرەزيدەنت ءوز سوزىندە ەرىكتى بولۋ – وتانىڭا ادال قىزمەت ەتۋ, تۋعان جەرىڭە جاناشىر بولۋ ەكەنىن اتاپ ءوتتى.
قازاقستاندا ۆولونتەرلەر سانى 300 مىڭعا جەتتى