مەملەكەت باسشىسى ۆولونتەرلار فورۋمىندا ايتىلعان ۇسىنىستاردى قولدايتىنىن جانە ولاردىڭ ەڭ پايدالىسىن جۇزەگە اسىرۋ بويىنشا تاپسىرما بەرەتىنىن جەتكىزدى, دەپ حابارلايدى Egemen.kz.
پرەزيدەنت ناعىز ۆولونتەر تۇتاس قوعامنىڭ يگىلىگىن ويلايتىن, ەلىمىزدىڭ مۇرات-مۇددەسىن بيىككە قوياتىن سانالى ازامات ەكەنىن اتاپ ءوتتى.
«وسى ورايدا, بۇگىن مەن بارشا ەرىكتىلەرگە شىنايى العىسىمدى ايتامىن. سىزدەر بارلىق يگى ءىستىڭ باسى-قاسىندا, حالقىمىزدىڭ اراسىندا جۇرسىزدەر! ەلىمىزدىڭ دامۋىنا ەلەۋلى ۇلەس قوسىپ كەلەسىزدەر.
جاڭا عانا بىرنەشە ازامات ءسوز سويلەدى, سالماقتى ويلارىن ورتاعا سالدى. ۇتىمدى ۇسىنىستارىن جەتكىزدى. ولاردىڭ كوبىن مەن قولدايمىن, ەڭ پايدالى ۇسىنىستارىڭىزدى جۇزەگە اسىرۋعا تاپسىرما بەرەمىن.
حالقىمىز «اقىل – جاستان» دەپ بەكەر ايتپاعان.
قازاقستاننىڭ بولاشاعى – وسىنداي بەلسەندى ءارى جىگەرلى ۇل-قىزدارىمىزدىڭ قولىندا. بارىڭىزگە «جارايسىزدار!» دەپ ايتقىم كەلەدى», دەدى پرەزيدەنت.
بۇگىن قاسىم-جومارت توقاەۆ ۆولونتەرلەر فورۋمىندا ءسوز سويلەپ, ۆولونتەردىڭ تسيفرلى پاسپورتىن جاساۋ تۋرالى باستاماعا قولداۋ ءبىلدىردى.
قازاقستاندا ۆولونتەرلەر سانى 300 مىڭعا جەتتى