ۋكراينا پرەزيدەنتى ۆلاديمير زەلەنسكي رەسەيمەن ءىشىنارا ءبىتىم جاسالعانىن مالىمدەدى. بۇگىن ول ۋكراينا مەن رەسەي اراسىندا ەنەرگەتيكالىق نىساندارعا قاتىستى ۋاقىتشا ءبىتىم تۋرالى كەلىسىمگە قول جەتكىزىلگەنىن راستادى, دەپ حابارلايدى Egemen.kz.
كەلىسىم بىرىككەن اراب امىرلىكتەرىندە وتكەن كەلىسسوزدەر بارىسىندا جاسالعان.
ۋكراينا پرەزيدەنتىنىڭ سوزىنشە, كيەۆ پەن ماسكەۋ قاتتى اياز كەزىندە ەنەرگەتيكالىق ينفراقۇرىلىمعا شابۋىل جاساماۋ جونىندە ۋاعدالاسقان. بۇعان دەيىن اقش پرەزيدەنتى رەسەي پرەزيدەنتى ۆلاديمير پۋتيننەن ءبىر اپتاعا ۋكراينا اۋماعىنا سوققى بەرۋدى توقتاتۋ جونىندە كەلىسىم العانىن مالىمدەگەن بولاتىن.
ۋكرايناعا قاۋىپسىزدىك كەپىلدىكتەرى بەرىلە مە؟
كرەمل بۇل مالىمدەمەنى رەسمي تۇردە راستاعان جوق, جوققا دا شىعارمادى. الايدا رەسەيلىك اسكەري تىلشىلەر ەنەرگەتيكالىق بىتىمگە قول جەتكىزىلگەنىن حابارلادى. زەلەنسكيدىڭ ايتۋىنشا, كەلىسىمنىڭ شىنىمەن ورىندالعان-ورىندالماعانىن الداعى بىرنەشە كۇندە انىق كورۋگە بولادى.
«ەنەرگەتيكاعا سوققى جاساۋدى توقتاتۋعا باعىتتالعان كۇش-جىگەرى ءۇشىن امەريكاعا العىس ايتامىن. اقش بۇل ماسەلەنى ىلگەرىلەتە الادى دەپ ۇمىتتەنەمىز. بۇگىن كەشكە جانە الداعى كۇندەرى ەنەرگەتيكالىق نىساندارىمىز بەن قالالارىمىزداعى ناقتى جاعداي كەلىسىمنىڭ قالاي ورىندالىپ جاتقانىن كورسەتەدى», دەپ جازدى زەلەنسكي ءوزىنىڭ Telegram-ارناسىندا.
رەسەي ءۇش جىلدا ۋكراينا اۋماعىنىڭ قانشا بولىگىن باسىپ الدى؟